الله يعطيك العافية ويجزك كل خير.
عندي طلب بسيط ياليت تزودنا بالبرنامج اليومي للمعهد,
يعنيى هل المعهد ينظم رحلات وبرامج مع الطلاب ولا بس دراسة وترجع لمقر سكنك.
وش ريك في بعض المكاتب أو الوكلات التي تنظم رحلات تعلمية في الخارج هل تنصح فيها
وسمحني على الأطاله.
[/size]
|
ماطولت بالعكس أنا ابيك تقول لي كل اللي عندك اخوي
بالنسبه للمعاهد وتنظيم الرحلات فتختلف فيه منها اللي يسوي رحلات اسبوعيه وفيه منها اللي يسوي رحلات شهريه وفيه اللي ما يسوي خالص الا فيما ندر
واللي كنت فيه أنا كان يسوي رحلات شهريه وليست رسميه بالمعنى الصحيح
بس حنا كطلاب كنا نتفق ونطلع رحلات كل اسبوع تقريبا وبعض الأحيان يطلع معنا أحد المدرسين
وكنا صراحه نستمتع لما نطلع طلعات خاصة بالكلاس اللي كنت ادرس فيه وكان ينضم لنا بعض الطلاب من الكلاسات الثانيه اللي يمونون علينا بس .
واللي ما يتمشى ولا يطلع مع زملاه كل اسبوع فأحسن انه مايروح لأنه راح يمل من أول شهر
طبعا مو شرط انك تطلع مع نفس القروب ممكن انك تغير والأفضل انك تطلع كل اسبوع مع قروب من اللي تعرفت عليهم وبكذا ماراح تمل لو تجلس 5 سنوات
وعندك خيارات كثير في الطلعات
مرة على البحر ومره سنيما ومره تخييم برى الستي ومره كورة على الشاطي ومره للمدن القريبه والمشهوره بالجمال والسياحة وهكذا
وبالنسبه للمكاتب والوكالات خاصة اللي تنظم رحلات فأعتقد انها حلوه خاصة اذا كانت أسعارهم معقولة
وانت راح تعرف هل بيفيدوك ولا لا حسب البرنامج اللي بيقدموه لك
شكرا على مشاركتك ومرحبابك أي وقت