[tag2000sa]

المشاركة الأصلية كتبت بواسطة death code هلا فيك أخوي tag2000sa الطريقة اليدوية الي قلت عنها فكرة حلوة ولكن انا قلت انه يربطها بالأوديس بس عشان يصير تحديث كل سنه طبعآ ناس جديدة تسجل في الكلية وبكلامك لازم كل سنه يدخل المدير ويأخذ كل الأرقام الطلاب الجديدة في ملف ويدخلها بالموقع طيب طالب فصل من الكلية مين راح يحذفه من الموقع؟هذي مشكلة ثانية هو يبي يعمل موقع مثل الأرشيف للمشاريع يعني الأرقام لازم تتحدث كل مايدخل طالب لكلية كمان حتى لو دخل ماراح نخليه يدخل بالرقم الجامعي بس لازم يكتب رقم بطاقة الاحوال بعدين يقدر يغير الباسورد وانا اشوف ان الموقع مايعرض اشياء سرية مثل المشاريع باامكان اي احد الاطلاع عليها فماله داعي انه يعمل الحركة هذي

هذي تفاصيل ... يهتم فيها وقت التنفيذ ... دحين الفكرة وصلت

المشاركة الأصلية كتبت بواسطة death code بالنسبة للبرنامج هذا انا اول مره اشوفه بصراحه الي ابي اعرفه .. البرنامج هذا كيف يعرف انك انت عملت التحديث الفلاني بتاريخ ووقت محدد ؟ السؤال بصيغه اخرى انا عندي مشروع ادخلته على البرنامج وعدلت حاجه مثلآ .. البرنامج هذا حسب كلامك راح يقولي اني انا عدلت الكود الفلاني في المكان الفلاني بتاريخ والساعه الفلانية كذا من نفسه بدون لا اعطيه شي ؟ اذا كان هذا قصدك فعز الله انه جبار بقوة

لاااا يالحبيب ... إنتا هنا مضيع الخط .... لف وأرجع من عند الإشارة

المشاركة الأصلية كتبت بواسطة death code اما اذا التحديث اليوزم يدخله مثلآ فيه فريق يسوي مشروع وكل ماينتهي من جزئية يسجلها بنفسه بالموقع ويظغط زر والتحديث راح يظهر للمشرف في جدول على شكل نقاط معينة وجنبه الساعه والتاريخ الي ارسل فيه التحديث فهذي بسيطه

أييييوة ... أنتا ماشي تماام ... هيا أمشي على الوصف تمام

شوف .. أنا أقصد ... طالما إنو البرنامج بيعرض المشاريع ... فما يكتفي بإضافة المشاريع اللي اكتملت وانتهت وطلابها اتخرجوا ... لأ ... كمان يضم المشاريع اللي بيشتغل عليها الطلاب دحين ... يعني البرنامج يصير زي حلقة الوصل بين ال طلاب المشروع والمشرف ...
بحيث الطلاب يكونوا شغالين على المشروع على أجزاء .. وكل جزئية يكملوها ... يرفعوا تقرير بسيط عن آخر التطورات والتحديثات اللي صارت على المشروع .. في الموقع ... والمشرف عليهم بدل ما يطرد وراهم ولا يستناهم آخر الترم ... يا خلصوا ولا لأ .. بالعكس يقدر يتابعهم عن طريق التقرير اللي رفعوه على الموقع ... وإذا في خطأ ينبهم عليه ... فهو للمتابعة بين الطلاب والمشرف ... وكمان يساعد الشباب اللي بيشتغلوا المشروع كل واحد جزئية خاصة فيه لوحده ...

المشاركة الأصلية كتبت بواسطة death code اذا انت تفكر انك تسوي موقع الكتروني يقدر اي فريق يسجل فيه ويضع مشروعه واي تغيير على المشروع يتسجل بالوقت والتاريخ وفين مكان التعديل فهذي الفكرة لا شفتها في مواقع اجنبية ولا عربية وماني عارف اذا هي ممكن تتنفذ على الويب اصلآ لانه الموقع يحتاج يتحدث لوحده كل ثانية !!!!!

الفكرة ... في كلمة مشروع مش (برمجة) يعني لما أقول الموقع يتابع المشاريع .. مو يعني (يشيك على الكود ويشوف التغيرات) هذا يصير كومبايلر ... لأ

أنا أقصد بكلمة (مشروع) الفكرة ... يعني مثلاً إنتا بدأت مشروع بحث .. وله عدة مراحل ... برنامج زي دا .. بيساعدك إنك تسجل وتتابع كل مرحلة وإيش عملت فيها ...

يعني بالمختصر البلدي ... زي .. (مذكرة الواجبات المدرسية) .. بس للمشاريع ....

المشاركة الأصلية كتبت بواسطة death code لو تبي تسوي زي كذا على الويب فلازم اليوزر هوا الي يسجل التحديثات الي صارت هذا والله أعلم

بالضبط ... لازم اليوزر في النهاية يسجل التحديثات اللي صارت