[عبير منشي]

اختي الكريمة رغد .. انا اكون هناك على 8 بس الموظفات طيب لو داوموا 10 ! يعني ماحستفيد..كيف أعرفك ؟ لو عندك تويتر هذا حسابي في التوقيع و ممتنة لك من قبل ومن بعد.. لو ما اتقابلنا ل 9 إلا ربع روحي محاضرتك وربي معاكي بس لو تسمحي تكتبي لي هنا فين المكان اللي اروح له بالضبط هناك عشان استكمل التحويل لانتظام واسلمهم أصل الشهادة .
اسم أو رقم المبنى يعني واسم القسم والغرفة ..
ألف شكر .
_____________

الاخوات الباقيات أتمنى ننوه لهم بأسلوب هناك على هالنقطة. يعني لازم لما نشوف معاملتهم سيئة نسألهم ليش يعاملونا كده واحنا لو مو اهتمامنا بالعلم و التخصص كان كنسلنا كل شي وظلينا انتساب وارتحنا !

لازم نشرح لهم أيضاً بأسلوب مش بالمضاربة إننا احنا ما علينا ولا غلط واحد ! الغلط كله على الجامعة من إهمال و فوضى في التنويه عن اجراءات التحويل والتخصيص بشكل واضح في مكان واضح وقبل موعدهم بوقت كافي عشان اللي من خارج جدة و حتى اللي من جدة وعندهم ظروف يستعدوا بالشكل المناسب .

اتمنى ما نسمح لأحد يعاملنا معاملة سيئة .. احنا طالبات و الموظفات مهنتهم يخدمونا و يساعدونا و يعلّمونا وينظموا أمورنا ولهم منا كمحترمات كل الاحترام. و كله بحقه مو جالسين يعملوا شي ببلاش أو متطوعات فعمل خيري أو بدون راتب و قدره !

ودايماً خلو ذكر الله على لسانكم ترى هم على بالهم انهم أقوياء بنفوذهم وصلاحياتهم لكنهم نسيوا إن الله أقوى من كل قوي وما خاب من استعان بالله و توكل عليه.