[k.o.k.a]

اليوم كان موعد تدقيقي .. الساعه 9ونص في مريديان جده
الصراحه كانت الأجواء هاديه ورايقه والموظفات متعاونات

أنا كانت عندي مشكله >> معدلي 4.59 خريجة صيفي ولما قدمت طلب البعثه
وقتها ما أستلمت الوثيقه فحطيت من عندي 4.57

فقتلها بكل صراحه مشكلتي واعطتني ورقة تعديل وعدلت وسألتها ... ممكن هدا الموضوع بأثر عليا في الترشيح النهائي ؟؟؟
قالتلي لا أبدا انتي معدلك مطلوب وغير كدا انتي كتبتي معدل اقل من اللي جبتيه ...مو أكثر زي بعض ناس


وسألتها سؤال ثاني قتلها أختي ما رشحتوها بالرغم انا مستوفيه كل الشروط ما عدا العمر (هيا أكبر بشهرين ) ممكن تتجاوزو عنها لو قدمت خطاب .. ؟؟؟
قالتلي لا أبدا في ناس قبلها جو عندنا وأكبر من العمر المطلوب بيوم واحد وما قبلناهم

سألتني ما عندك سجل أكاديمي بالعربي ؟؟
قتلها لا لأنو جامعة الملك عبد العزيز ما تصدر السجل الاكاديمي الا باللغة الأنجليزيه ... قالتلي خلاص ماعندك مشكله

وقتلها ممكن أغير التخصص ؟؟
قالتلي بعد الترشيح النهائي بأمكانك تغيير التخصص ..

في النهايه سلمتني أيصال وكان مكتوب فيها أنو كل المستندات المطلوبه كااامله .. وقالتلي أحتفظي بالإيصال جداً مهم


وبس ...
الحمدلله كانت الأمور سهله ... والله يتمم لنا على خير ويوفقنا يارب