[R o a a]

الأحياء مرا مو صعبة ولا أقولكم سهلة ،

يمكن تكون المشكلة اللغة للبعض ، وإنها مرا دسمة ويبغالها تركيز ،
فيه طريقة مرا حلوة للمذاكرة وجابت نتيجة الحمدلله أول حاجة اقرو بتركيز , افهمو كل حاجة ,
لاتحفظو وإنتو مافهمتو لأنو حيطير كذا !! ( الفهم الفهم بعدين الحفظ ) ، ممكن كل كلمة صعبت عليكم حددوها حتسهل عليكم ،
المصطلحات كمان حددوها لأنو حتتذكرونها بالإختبار وبيساعدكم تحديدها إن شاءالله ،
المصطلحات نهاية كل شابتر راجعوها كثير لأنها مرا مرا فادتنا بالإختبار ،
فيه كمان التريننق تبع الأحياء مرا فادني لانو كنت أفتحو قبل الإختبار بفترة ويجي منو شوية أسئلة بعضها زيها تماما وبعضها بتغيير طريقة السؤال بس يعني افهمو السؤال بس مو حفظ حفظ
وممكن من ذحين كل ما تخلصو شابتر تفتحوه إذا فضيتو
بس قبلها إتأكدو من الدكاترة إنو تفتحوه ولا لا ،
صرحة مو صعبة عليكم a+ أبدا أبدا بس لاتتكاسلو وتجو يوم الإختبار تفتحو سلايدات !
لاتعتمدو على البونس زي البعض ممكن مايدوكم =)
يعني ذاكرو من كل قلبكم
فيه بنات كانو ينصحو بالنماذج دائما وبيفتحوها والحمدلله جابت لهم نتيجة
بس إذا بيلخبطكم يُفضل تركها وإعتمدو أهم حاجة على السلايدات
ويالله بالتوفيق لكم يارب وعقبال A+