[حيــــــاة]

المشاركة الأصلية كتبت بواسطة الفارقي مشكوووورين اخواتي دلال ورنا . بس سؤال هل تعطي الجامعة مكافآت للأجانب المتقدمين عن طريق السفارة أو من خلال التقديم الشخصي عبر النت؟ وهل يوجد تقديم عن طريق النت لأني شفت ردود بالآونة الاخيرة انو مافي تقديم للأجانب عن طريق النت يعني لازم تروم الجامعة وتقدم عن طريق تعبئة استمارة ورقية. شكرااااااااااا

المكافئات للي عن طريق السفاره
اما الي عن طريق الجامعه مافي مكافئات <<هذا بالنسبه لعبدالعزيز >> لانه في جامعات ثانيه غير عبدالعزيز زي ام القرى اعتقد تعطي مكافئات حتى للمنح الداخليه الي عن طريق الجامعه .

التقديم اللي عن طريق الجامعه السنه هذه والعام كله كان عن طريق النت ومافي تقديم يدوي الا للي فاته التقديم امكن يقبلون تقديمه اليدوي .
والسفاره نفس الشيئ من العام صار التقديم الكتروني عن طريق موقع الملحقيه الثافيه .

عندي ملاحظتين ^ـ*
الاولى : حاول ترفع القدرات والتحصيلي قدددددد ماتققققدر ،، نسبة الثنوي صارت ما تكفييي ماتكفي ماتكفي >ـ< >ـ< >ـ<
لانه حتى ال98 و99 وال100 ثنوي ماتنفعك لو موزونك ماوصل لل90 .
النسب زي النفط كل مالها تنرفع والتشديد والتعقيد يزيد ، فبما انك لسى في مقتبل سنه لازم ترتب وضعك من الحين ولو ماكنت مهتم ما كنت سألت ، عشان كذا قلت لك ..
ما احبطك ولا اضيقها بوجهك بالعكس كله ممكن وربي مايضيع تعب لأحد ولكل مجتهدٍ نصيييب ، بس لازم تكون على بينه وعلم بكل شيئ وتشد حيلك من البداية ،، وماتغلط غلطة غيرك .
: )

الملاحظة الثانية : يُفضل استخدام مصطلح (غير سعوديين ) بدلاً من (اجانب)

وبس : )

موووفق :) واي سؤال احنا حاضرين