اليوم رحت للعمادة استفسر عن التحويل >>وقالولي انو الكليات اكتفت و ماهم قادرين يحولوا احد ...
المهم طلعت من عندهم و روحت لمكتب الشؤون في كلية العلوم الطبية التطبيقية على اساس انو اقدر اقدم طلب قبول من عندهم زي ما نصحونا الي قبلنا ،بس للأسف قالتلي السنة ماراح يقبلوا احد من عندهم ، وانو كل ما صار في مجال للتحويل العمادة راح تحول مو الكلية >>>>يعني عملية التحويل مستمرررة إلى المجهووول.
|
أشك في صحة الكلام اللي يقول ان الكليات اكتفت ومافي تحويل
هذا الكلام ممكن يقولوه للي يبغا يحول لكلية نسبتو اقل منها بشوية بس ما ينقال لطالب نسبتو اعلى من الكلية اللي يبغا يحول لها
بما معنى انه اي طالب يبغا يحول لرغبة مكتوب له قدامها (حققت للطالب رغبة اعلى) بيقدر يحول لها باذن الله !!
لانه اكيد على الاقل في طالب واحد من الكلية اللي يبغا يحول لها يكون حول !
واذا كان احد قلك هذا الكلام يا اختي ممكن عشان ما يبغوكي تراجعيهم (تصريفه)
لكن انا اقولكم لا تخافوا باذن الله جايكم والكلام هذا مو صحيح