[بيو كيميائية ^_^]

فيه مرة أكلت مع صديقاتي وماأدري وش أكلت :$

كـان يوم الأحد الأسبوع الثاني من الإختبارات بعد الإختبار

طلبوا صديقاتي عشاني

لأني كنت مو ماكله أربعة أيام ومو شاربه كمـان :$

وأنا الصباح لما رحت آخذ شور قبل الإختبار كنت دايخة وماأقدر أمشي عدل

فدقيت على برور وقلت لها متى بتروحي عشاني دايخة وأبيكـِ تمسكيني فأنتظريني في البوابة

أنتظرتني ومسكتني وركبنا القولف كار و وصلنا كليتنـا

دخلنا وقامـوا برور وحسون يتضاربون عشان حسون ماجابت الفطور لسه

وتقول له ليه مارحتي قالت أنا ماسكة زهور ماتقدر تمشي دايخة وتعبانة <<العالم كله سمع حسيت

راحت وعلى ماتجي

بروور جابت لي عصير برتقال طازج و موية وغصبتني أشرب

أنا مايصلح لي الحوامض لكن شربته

وبعدهـا لما جات حسون أكلتني الفطيرة و شربوني سفن آب

أهم شيء في البداية برتقال طازج وبعدين سفن خخ

بعدهـا صرت أقوى وقمنا نراجع وراجعنا كل حاجة وعلمتهم إجابة كذا سؤال

وفيه سلايد واحد ماذاكرناهـ نسيناهـ

دخلنا الإختبار متأخر والمراقبة ماخلتنا نجلس جنب بعض

حليت كله صح وحليت أسئلة زيادة ماعدا فقرة من السلايد اللي ماذاكرناهـ

خرجنا في نص الوقت

وبعدهـا رحنا لمونزا عندنا شغل معاها وإحنا عندها أنا شنطتي حمراء والدكتورة كمان وفيهم شبه وإحنا طالعين

جات بروور مسكت شنطة الدكتورة وبتاخذها على أنها شنطتي

والدكتورة ماي باق ماي باق

وأنا وحسون نضحكـ وأقول لها هذهـِ شنطتي ههههه

بعدها أخذت شنطتها الدكتورة وحطتها تحت المكتب هههه خافت

بعدين إتصلوا وطلبوا غداء

أنا كنت أفكر ماأخذين من كنتاكي

لكن لما رحنا نجيب الأكل

إلا يقولون هارديز

أنا صرت كذا o_o

قلت أنا في داخلي ماآكل سمك وايش بيأكلوني

ولما جلسنا ناكل أنا أتسائل وش هذا و ودي أقول ايش هو لكن مستحية

قلت سمك وإلا دجاج بعدين قلت لو سمك كان حسيت بزفرهـ

لكن أختي تقول السمك ماكأنه سمك

أتوقع لو حطوا لي سم ماكان دريت خخ

ولين الحين ماأعرف ايش أنا أكلت بالضبط خخخ