[طموحي فاق الحدود]

هلا ابو هيثم

بعطيك خلاصة تجربتي في التقديم ع الابتعاث ..
الدولة امريكا ..


بوضعها لك بنقاط حتى توضح لك المسألة

1/ العمر ... الماستر مافي حدود للعمر وبخصوص عمرك ترى العمر الطبيعي للدراسة فلاتحسب نفسك عود..

2/ اول شي الوزارة مالها خص فيك بما انك ع حسابك ..

3/ لو نفرض انك قررت تبغي تدرس بامريكا ..
اول نقطة تحدد ميزانيتك...!
كاليفورنيا .. بورتلاند ... شارلوت .... الخ كل وحدة تختلف عن الثانية

باختصار جدة مر زي الرياض ومكة مو زي عسفان وخليص
كل الولايات غالية بالنسبة للسعودية بس من ولاية الى ولاية يختلف مستوى الغلاء..

4/ اختيار الجامعة ... يكون ع اساس التخصص ع اساس الغلا .. ع اساااس الامان ...

مثال / توجد قائمات تنزل سنويا في امريكا الولاية الاكثر خطرا
الولايات الاكثر امانا
الولايات الاغلى وهكذا...

ناحية الامان- والامان بيد الله- مهمة جدا في حال كان معك اهلك ...
اطلع عليها
5/ بخصوص الايلتس والتوفل ..
مهما كان تخصصك تحتاج الي فترة لغة في دولة الابتعاث..
المعتاد تكون سنة .. في ناس ماشاء الله في 3 شهور يتمكنون من اللغة ..
واختبار التوفل تقيمه افضل وانت ببلد الابتعاث ..،

علرفة تخصصك انجلش ... دراسة اللغة مهمة حتى تكون متمكن..
صديقتي تخصصها انجلش جلست 4 شهور تدرس .. انجلش اكاديمي


واذا بتجرب وتشوف مستواك بالتوفل اختبر هنا بالسعوية الاختبارب800 ريال
ادخل الموقع وشوف وين الاختبار بمنطقتك

6/ بخصوص المصاريف تختلف من جامعة لجامعة. لكن مبلغ جامد

7/ بخصوص المبلغ 100 دولار يساوي 375

8/ انصحك تقرا وتقرا وتقرا عن الولايات وتكتب كل ميزة وكل عيب وثم تختار

من تجربة انا جلست مدة شهر حوالي وانا ابحث لان كانت شروطي ابغى مدينة متوسطة الغلا ... ماتكون ثلوج معظم السنة.. محافظة
وجامعة ومعهد قوي
والسبب ان معاي عايلة + مراهق

وكان اختياري ولاية ساوث كالورينا مدينة كولمبيا ..وذي مدينة طلابية ...

9/ وبخصوص الفيزا تقريباللشخص الواحد
1300 ريال تقريبا

10/ والوظيفة لاتحط ببالك الله الرازق ..

11:/ مصاريف الاكل والخ ماتقدر تحدد الا بعد اختيار الولاية..
12/ المبلغ الاجمالي مو اقل من 100 الف بالسنة تقريبا

واخيرا استخير استخير استخير والله يكتب لك مافيه الخير يارب

واي سوال انا تحت امرك