[noonz]

أهلًا أهلًا
مبروك عليكم القبول جميعًا ..
حسستوني إن الجامعة بعبع هههه ، لا حبايبي ما يستاهل الخوف دا كله ..
هو ممكن فالبداية بس لأنها كبيرة شوية وحوسة بين المباني بس صدقوني ح تتعودو على طول وكلنا كنا زيكم :)
رح تواجهو مجتمع متفتح غير عن المدرسة تمامًا وعندكم الحرية أنكم تسوو أي حاجة مو زي المدرسة !
ممكن تسحبي على المحاضرات وتروحي تجلسي مع صاحباتك ولا أحد داري عنك لكن صدقيني مؤ الخسران إلا أنتِ ، عشان كدا خلو عندكم موازنة في كل شيء وأعطوا كل شيء حقه لأنه مافي شيء حيجينا على طبق من ذهب ، واللي حاطط هدف في باله رح يوصل له !

بالنسبة للبس الجامعة ،
ليش كارهين التنورة هههه ، كتير بنات يلبسوها وترى التنانير في منها موديلات جدًا رائعة
ممكن تشوفو التنانير اللي تجي قصيرة شوية وقماشها شبيه للجرسيه زي الستريتش
وفيه اللي تجي هاي ويست وفيه اللي تجي سكيني من تحت ، كل وحدة وأيش يناسبها
البلايز خدي تيشيرتات بسيطة حقت جامعة يعني للإستخدام اليومي ، ولا مانع من كم تيشيرت فخمة ماركة يعني لول

وكمان كارديقان واحد أو 2 عشان البرد في الكلاسات وأنا مهووسة مرة ب دا الشي هع
كنت ألبسه فوق التيشيرتات حلو يجي

أما البنطلون ف هنا أنتي وحظك ، أنا مؤ مرة كنت ألبسه أولا لأني ما أفضل أني ألبس بنطلون وعليه بلوزة طويله في الجامعه كأنها ملابس حجاب وتانيًا لأني لبسته مرة ومسكتني الشؤون لأني كنت رافعة العباية شوية وشافته -_- بس نفدت منها بقدرة قادر هع

بالنسبة للشنط شوفي اللي يناسبك ، لو أنك من النوع اللي يشيل كل الكتب خدي لك ع الظهر أما لو عفشك مؤ كتير ف أحسن لك ع الكتف وأنا أفضلها
والجزم الله يكرمكم أي شي يكون مريح لكم وأذا تبغو تفاصيل أكتر عنها قولو لا تستحو ههه

وبس ، بالتوفيق لكم جميعًا