[حيــــــاة]

مرررررحبا شيفات سكاو
مسائكم وصباحكم سعادة

لا تضحكون عالعنوان لاني مالقيت عنوان خخخخخ

بما انه يوم 9 كان يوم ميلادي ،، وماعندنا خرابيط عيد ميلاد ومعرف ايش وذي الهبالات
المهم قررت افرح نفسي بنفسي يالبى نفسي

وقررت اعمل كيكة ،،

بس ماني عارفه اش اعمل ففتحت الادراج وطلعت اللي لقيته قدامي

كيك بتي كويكر بالشوكلاتة
قشطة
حليب نستله
شوكلاتة بودرة
نسكافيه
اوريو

عملت الكيك ..
بعد كذا ابغى اعمل صوص احط فيه كل اللي عندي وماني عارفه اش اعمل
فذوبت شوي زبدة وحطيت حوالي نص علبة النستله وربع علبة قشطة عالنار وشوكلاته بودرة واول مابدت تغلي شلتها من عالنار وحطيت علبة قشطة ،،
بعدين طعمتها طلعت ما عجبتني
حطيت سكر لكن لاجدوى
حطيت نسكافيه تعدل الطعم
حطتها في الفريزر حوالي ساعه لانها كانت سايله مررره ،، ورجعت لها بعد كذا كانت تماسكت .. وحطيتها فوق الكيكة وكسرت اوريو ووقفته عالجوانب زي العساكر
ورشيت مكسرات مطحونه ونسكافيه وفتافيت اوريو وكرزات في الوسط
وطلعت هذه