ماشاالله يعطيهم العافية ما قصروا ف حاجة الاخوان : )
سؤالك الاخير:
س / هل يوجد نظام كنظام التراكمي مثل الثانوي يعني الدرجة بسته بالرياضيات وهكذا لاني سمعت انه الانجليزي زي كذا الدرجه فيه تنزل المعدل
ح اجاوبك ع حسب ما فهمت
نظام الجامعة يا اخوي زي ما انت عارف نظام ساعات
لكل مادة عدد معين من الساعات ، بالنسبة للتحضيري كل المواد 3 ما عدا الانجلش 2
خلينا نفرض مثال للتوضيح :)
مادة الرياضيات ليها اختبارين دوريين وواحد نهائي
الدوري الاول والتاني عليهم 30 درجة < بغض النظر عن البونس
و النهائي عليه 40 درجة
حلو الين هنا؟
طيب انت جبت في
الدوري الاول: 30
الدوري التاني: 28
النهائي: 35
مجموعهم ح يكون 93
بما انو عدد ساعات مادة الرياضيات 3
ف رح ينضرب المجموع في 3
و يسير الناتج 279 < حسبتها سريع لا تدقق ف الناتج
طبعا تطبق هادي الطريقة ع كل المواد
بعدين تقسم الناتج اللي يطلعلك من جمع مادة (الرياضيات، الإحصاء، الاحياء... والبقية)
على مجموع عدد ساعات المواد اللي اخدتها
و تطلعلك النسبة الموزونة :)
ملاحظة بسيطة:
كل مستوى ف الانجلش يحسب كمادة
المستوى الاول عليه ساعتين والمستوى التالت عليه ساعتين كمان و هاكزا
اتمنى تكون وصلت الفكرة .. بالتوفيق :)