[Fatema Alshareef]

حسستيني بنفس أحاسيسي قبل لا أدخل الجامعه ..
ومع أني أشوف انو تخلي كل شي بوقته لما يجي , بس عشان يطمئن قلبك راح اشرحلك اللي اعرفه^_^
بالنسبة للملابس ما افتيك فيها لأنو قوانينهم يختي مو ثابته مثلاً تسمعي ان البنطلون مسموح باليوم الثاني تجيك
مشرفه وتقولك لا ترى منعناه,, بيني وبينك ترى ما ياخذو مخالفات ع المستجدات كثير , زيي انا لما كنت مستجده
اشتريت وقضيت كل انواع الملابس تقول دبش عروس , واتفاجأت ان اغلبها ممنوعه ,
بس تطبيقاً لمبدأ حلل فلوسك , قلت رح البسها وماعلي منهم, وصرت كل يوم اتمسك من الشؤون
ياطالبه هاتي بطاقتك , وارد عليهم وانا كذا يعنني ما ادري مممممم معليش انا مستجده ما ادري
وتقوللي اوك ي ماما ترى كذا مخالف , واقولها اوووووووووك ان شاء الله مارح اعيدها, وامشي واجيك باليوم الثاني لبس وهاكزا يااختي الى أن انتهيت من لبس كامل ملابسي اللي اشتريتها ودفعت فيها دم قلبي , استمريت على هذا الوضع لمدة سنة, يعني لين المستوى الثاني وانا اقولهم مستجده
طبعاً هذي تجربتي ومو بالضروره تنفع معاك , يعني ممكن تبتلشين لا طبقتيها على نفسك
وممكن تضبط..

برضو جواب سؤال جوال الكاميرا ينطبق على نفس جواب سؤال اللبس , يعني القوانين قابله للتغيير..
بالنسبه للكتب لا تستعجلي ولا تشتري اي كتاب , اللي عليكي تحضري اول محاضره لكل المواد اللي نازلتلك بالجدول واول محاضره مهمه جداً لأن فيها تحددلكم الاستاذه اسم الكتاب وتديكم نبذه عن الماده وووو وايضاً نبذه عن شخصيتها هيه ..

الله يوفقك يارب..