[align=center][align=center]السلام عليكم ورحمة الله وبركاتة،،،\
وكل عام وانتم بخير
انا ياشباب عندي هذي المادة ومنزلها اختيارية، المهم انا رحت الدورة التاهيلية يوم الاحد من الاسبوع الثاني ويوم وصلت القاعة ما لقيت احد ولقيت الدكتوركاتب على السبورة بهذي العبارة
( ثقافة منظمة pad422 )
الاسئلة موضوعية
المواضيع المقررة/ حسب المفردات الموجودة على موقع الكلية.
|
وهذ كلام اخونا فالك التخرج يوم حضر الدورة
ثقافة المنظمة : أ.د. عبدالله السالم حضرت امس في مبنى 44 من 5_6.50 مساء كلنا 3 طلاب وزع علينا الدكتور ورقه فيها المنهج المطلوب نفس الورقه موجود على صفحته وفي الواقع المطلوب كامل الكتاب المقرر (( ثقافة منظمات الأعمال)) للدكتور سامي فياض الغزاوي ذكر الدكتور ان الاختبار راح يكون شامل ويجب على الطالب معرفة السطر الأول من كل تعريف او مدرسه مثل ابن خلدون والفرابي والجاحظ وقال يجب ان تتذكر العناوين الرئيسية وعرج على النظام الفكري والنظام الاجتماعي وذكر امثله على عادات الضيافه والاستهلاك واستخدام الكماليات وتفاوت المجتمعات فيها وثقافة البخشيش لدى الشعب الصيني + كتاب القصص للدكتور عبدالله السالم موجود في خوارزم ب30 ريال وركز وذكر تحديداً مفهوم القصه واهدافها ومواصفاتها وبقية القصص للقراءه وذكر ان الاختبار راح يكون 50 فقره صح وخطاء وماراح يكون فيه مقالي ويحذر من الملخصات ويقول انها سبب لحمل الطلبه للماده وماعند اكثر من هالمعلومات يقدمها لنا وماراح يكون فيه محاضره يوم الخميس واي احد عنده سؤال ممكن عن طريق الايميل او السكرتاريا تبعه هذا ما انقله لكم عن الدكتور عبدالله السالم .. وللحديث بقيه
وتعليقي هو كالتالي : يا اخي حدد وش تبي بالضبط اللي على السبورة والا اللي قلته للاخوان في اول يوم في الدورة ولكن سبحان الله يبدو التخبط وعدم الاستقرار على محيا هذا الدكتور ولكن على مين اللهم لك الحمد عرفت السالفة وقلتها لكم من قبل يوم صححت ورقت الاختبار الترم اللي فات وذكرت لكم بالارقام والصفحات انه جاب اسئلة من المحذوف وحب الدكتور يرقع وماعرف ؟؟؟؟ حسبنا الله ونعم الوكيل وحتى المحذوف كما ذكرت ولو تلاحظون للاخوان اللي اطلعو على الكتاب انه 80% نفس اللي هو مطلوب يعني حشو او اعادة معلومات المهم اخواني لازم نحتاط وانا اولكم بقراء الكتاب كله وباقي اكثر من اسبوعين يمكن يجيب من المحذوف يعني من باب الاحتياط ولكن كما وعدتكم يومين كذا وبنزلكم هنا الاشياء المهمة اللي بالكتاب وبنركز عليها مره وانصحكم ونفسي اقرا الكتاب الحين واكثر من مرة بيسهل عليك ولو قراءة سريعة مافيه مشكلة واذا وصلت اللي محذوف حسب المفرادات اسرع في القراء عااااادي بس اطلع عليه وان شاء الله خير .
ختاما اشكر اخونا اللي حضر الدورة ونقل لنا الله يجزاه خير ماقصر والله ،،، والاخوان اللي شكروني هذا اقل من واجبي لكم وتستاهلون اكثر وان شاء الله بتعدون اوعدكم اذا ركزتوا على اللي بوضحه بعد ما اخلص الكتاب وباذن الله ،،، تحياتي والله يوفقكم .