[Louz]

المشاركة الأصلية كتبت بواسطة waah fdatek شوفي حبيبتي .. أنا مثلك أنقبلت في الشرفية .. بس من العام أنا .. مو من دفعتكم .. صح في البداية زعلت وقلت لا .. وش يوديني هناك أنا لوحدي .. وما أعرف أحد وصحباتي كلهم في السليمانية .. وشويت مناحه .. ولا وبعد تأهيلي مو انتظام .. عاد تعالي شوفي الحاله كيف .. لكن من بدينا من أول يوم تعرفنا على بنات .. حتى البنات يحبوا يتعرفوا على أحد .. محد هناك يحب الوحدة .. فلا تزعلي لو كنتي في الشرفية .. ترى جدا جميلة وصغيرة وملمومة على بعضها .. حتى لو تعرفتي ع بنات أربع وعشرين ساعه بوجهك .. ما يمديكم تطلعوا من محاضرة إلا هم وجهك .. تنبسطوا شوي وترجعوا محاضراتكم .. تعرفي على بنات غير .. لأنهم هم كمان يحبوا يتعرفوا عليك .. أنا يكلامي هذا ما قصدي اقولك أقعدي بالشرفية وكذا .. لا .. لكن لو حصل وما قدرتي تحولي السليمانية .. إلا وانتي متقبلة الوضع وما تتضايقي مثلي .. أنا غلطتي اني تضايقت ونكدت على عمري .. لكن الحمد لله تعرفت ع بنات أحلى من السكر .. والله كل ما اتخيل فراقهم بعد التسكين وكل ما اتخيل انو كل وحده منهم بتخصص .. أنهار من البكا .. لأنه شيء جدا مؤلم تتعرفي على أحد وتتعودي عليه وفجأة تتفارقوا .. عموما .. الله يكتبلك اللي فيه الخير .. عن جد اتمنى تروحي فمكان يكون لك فيه خير .. وبالتوفيق عيوني ..

هلا ي قلبي
انا فاهمه كلامك وقريت عن الشرفيه كثييير لحد ما استوعبت الوضع تمااما هناك
واكيد بتعرف بسرعه وامشي من اول اسبوع
بس دام في امل انقل ف لازم ابذل قصااارى جهدي عشان اقدر
شووكرا

المشاركة الأصلية كتبت بواسطة المستندات شوفي يااا عسلة أنا كنت زيك بالزبط وكانت صحبتي اللي أعرفها من التمهيدي بالسليمانية وأنا بالشرفية لما عرفنا إنو كل وحدة انقبلت بمكان زعلنا بالبداية وهي زعلت أكثر بعدين قلتلها يابنتي خيرة وكدا ما حنقعد نلعب سوا وكل وحدة تنتبه لدراستها أكثر إنتي أكيد لما تتخصصي ما حتدخلي تخصص زيهم عشانهم صحباتك بس فلازم تبدأي من الحين تفكري أنو أنتي حتبدأي لوحدك بدون صحباتك لإنو كل وحدة بتكمل بتخصص شكل بالنهاية بس تواصلي معاهم بكل وسائل المواصلات المختلفة وترا الشرفية جدا حلوة والكل متعاونين إلا من رحم ربي وصحبتي بالسليمانية تشتكي من كل دكتورة درستها كمان بالسليمانية المباني بعييييدة عن بعض وحر وحااالة ما يعلم فيها إلا الله فشوفي المميزات كثيرة بالشرفية والله كمان التحويل من كلية لكلية أكيد قصدها حق التخصص الحين نحنا عندنا التحويل من كلية لكلية بس سالفة من شرفية لسليمانية قد جربوها كثير وما نفعت معاهم بس كأني سمعت في الترم الثاني زبطت معهم والله أعلم إنتي استخيري وشوفي واللي فيه الخير ارضي بيه بالتوفيق

ماهوا عشان كل وحده بتكمل بتخصص غير ابا نكون السنه هذي مع بعض
وبالنسبة للتحويل هيا سالتها عن النقل من الشرفيه للسليمانيه بالتحديد فما اتوقع قصدها التخصص

شوكراا ربي يسعدكك

المشاركة الأصلية كتبت بواسطة waah fdatek امممم .. بقولك شي يمكن ماله دخل بس تجربة مريت فيها .. لمن تكوني انتي وصحباتك كل وحدة بمكان راح تكتشفي مين صحبتك من جد .. ومين اللي مصاحبتك تكملة منظر بس .. أنا عرفت ناس وع بالي انهم بيتمون معاي لمن النهاية .. لكن اكتشفت معدنهم بعد ما تفرقنا .. ترى ما راح يدوم لك إلا اللي يحبك من جد .. خليك بالشرفية وجربي .. ما راح تخسري شي .. وسوري ع الكلام اللي ماله داعي ..

عرفت من الحين واحنا لسا اجازه ما مدانا نبعد عن بعض كثير وللاسف هما اللي معايا بالشرفيه >< بس ربك كريم ..:)

مرررا شوككرا :))

المشاركة الأصلية كتبت بواسطة sara g ما اعتقد انك تقدري لكن لا تشتتي نفسك خليك مركزة على حلمك وهدفك وايش حابة تدخلي وباذن الله تقدري والسليمانية والشرفية كلكم بتتنافسوا ما في احد افضل من الثاني و على حكاية الصحبات لا تشيلي هم بسهولة تتعرفوا على صحبات جدد وتتأقلمي معاهم لان كلكم نفس الشيء جدد على المكان والله يسهلك يارب ويوفقك

ان شاا الله
مشكورة ي قلبي

بس برضو اللي عندها خبر تقول