صباحكم / مسائكم ؛ جنة تبشروون بها و نار تعتقون منها ،،،
دا تقريري بالتفصيل الممل عن الاختبار
اول شيء انا اختباري المفرووض انوو يبدا من 11 خرجت من البيت 9 ونص و وصلت تقريبا 10
المهم دخلت شطر الطالبات اول ماتدخلو على يدكم اليسار في امن يدلووكي على كل شيء تبغيه
قالوولي اتبعي الخطوات اللي ع الارض كانوا حاطين خطوات توصل على المبنى الثامن ،،
و بعد مشي و عرق يتصبب وصلت للمبنى بالسلامة
اول ما تدخلوو راح تلاقوو مكتب صغيروون راح يقوولولك ادخلي يمين و تدخلي و بعدين تقدمي خطوتين و
تلاقوو مجمووعة ناس يتقهوو
و هناك يسألووكي عن موعد اختباركك و تدخلي انا اختباري كان 11 وصلت عندهم على 10 وربع تقريبا بس اتفاجئت اني متأخره
دخلت قاعة كدا اهميتها انها توضح لنا كيف الاختبار و اش الفايدة منوو ،،، الخ
و بعد كدا عشاني دخلت القاعة متأخرة مع اني جيت قبل موعدي ب45 دقيقة الا اني كنت متأخرة عن دا العرض فقامووو عادوه من جديد طبعا في ورايا ناس جات قد الدنيا
واحنا بنتفرج ع العرض وزعوو لكل طالبة ورقة تكتبي فيها رقمك الجامعي و اسمك و كنا مقسمين لكذا قرووب كل قرووب له لوون بعد ما يخلص العرض و يتأكدوو انو محد عنده سؤال تجي المشرفة فيها ورقة ب لوون معين و تاخذ قروووبها ،،،
و بعدين طلعنا القاعات و كل وحده جلست على لاب و بعدين تبدأي تدخلي بياناتك لا تخافوو يساعدووكم في كل شيء ،،،
و بعد كذا بدأت الاسئلة
شووفووا الاسئلة مو كلها صعبة في اسهلةة جدا تافهة و في اسئلة وجهي صار فيها كذا
و اقصى حد للاسئلة 45 بس انا جاتني 42
طبعا مقسمة لثلاث اقسام و مشرووحة بالتفصيل في بداية الموضووع ،،
في السؤال الـ 39 انقططع النت بس الحمدلله عملت رفريش ( f5 ) ورجع كل شيء زي ماهوو ،،
و بعدين لمن خلصت نزلت الا و لقيت حقت القولف كار في وجهي تقوولي اذا تحضيري اركبي هنا
انا ما صدقت و قلت يلا قدددام
و اخذنا جووولة لزيزة جدا جدا
و بعدين رجعتنا للبوابة الرئيسية اللي دخلنا منها ،،
و تووتة توووتة خلصت الحتووتة
بس ملاحظة :/ جدا مهم انكم تأخذوو بطاقة الجامعة معاكم اما بالنسبة للورقة اللي فيها الموعد و لا طلوو فيها حتى
وموفقيييين يارب
اذا احد عندوو استفسااار انا حاضره :)
دمتم بووود ،،،