[» مَــلِـُكَة «]

صبااحكم نوور ينور دربكم ،، الف مبرووك لكل من انقبل بكليتنا كلية العلوم الطبية التطبيقية
من الذكور او الاناث
الله يوفقك و يريحكم بالقبول في الخير لكم باذن الله ..

الكلية تضم التخصصات التالية : تغذية طبية* ، مختبرات ، اشعة ، علاج طبيعي ، تمريض

*(بنات فقط)

بالنسبة لاختيار التخصص بنفس الكلية الي اتسكنتي فيها تعتمد على معدلك في السنة التحضيرية يعني مثلا بالنسبة لطالبات كلية العلوم الطبية التطبيقية , في اول يوم دخلنا فيه الكلية بعض الدكتورات الله يعطيهم العافيه عرفونا ع كل قسم بعد كذا وزعوا علينا استمارة نحط فيها رغباتنا بالاولوية ( يعني مثلا كنتي تبغين تغذية بس ما انبلتي عشان معدلك اقل يقوموا يحطوكي في الرغبة الثانية الي اخترتيهآ ) + نسجل المعدل كم كآن في السنة التحضيرية ,, يتم توزيع الطالبات ع التخصصات بطريقة المفاضلة ( يعني يشوفوا انتي جايبة نسبة القسم ذا او لا عشان تدخلي )

بعد يومين تجي الكلية وتشوفي وين انقبلتي بالضبط

واطمنكم كل بنت مننا دخلت القسم الي تبغاه الحمد لله

,,

ودي بعض الروابط الي ممكن تفيدكم

الفروقات بين قسم التغذية الإكلينيكية وَ قسم الغذاء والتغذية " مهم للمستجدات " ..

http://www.skaau.com/vb/showthread.p...73363&posted=1
دآ الرآآبط شآمل لكل تخصصات كليتنا , فهرس أهم المواضيع في منتدى كلية العلوم الطبية التطبيقية

http://www.skaau.com/vb/showthread.php?t=332475

دورة المصطلحات الطبية , بكلية دار الحكمة

http://www.skaau.com/home/darmedical.htm

بالنسبة للدراسة : الدراسة مافيها اختلاط ابدا بين الاولاد والبنات ، ودام انك اخترتي تخصص طبي توقعي مليون في المية انو في دكاترة رجال =( طرحتك ع كتفكِ ) رح يدرسونك زيهم زي الدكتورات - بيني وبينك الدكاترة الرجال مافي احسسن منهم شررح زي الناس تخفيف في المنهج ، الاسئلة اغلبها اختياري مو زي الدكتورات عاد انتم اخبر ياحبهم لكثرة الكلام والدش

بالنسبة لسنة الامتياز برضو مافي اختلاط " بمعنى اختلاط انو انتي تمشي وجنبك ولد " لا ابداا
سنة الامتياز رح تكون في المستشفى لكل التخصصات الطبية , وطبعا حبيباتي اكيد لابد من الالتزام بالحجاب الساتر

بالنسبة للموقع : لو تعرفي بوابة شمالية الي بشطر الطالبات الي قريبة من الخيمة الرياضية
بوابة شرقية للمجمع الطبي للبنات قبال شمالية
طبعا مباني مررررررة مختلفه عن التحضيري وقرف مبانيه اصلا هناك حياه تاانية ، ههههههههه مع ندرة الاكل صراحة لكن , مباني وتكييف وتهويه توب التوب
خريطة المجمع الطبي - طالبات

http://www.skaau.com/vb/showthread.php?t=421747

الدراسة هناك كيف اقولكم متعه متعة قمة المتعة , تحسي اصلا انك داخلة بيتك وبين عيلتكِ ذا الشعور يكفي
نصيحة لكم اخواني واخواتي الي حابب / حابة تدخل تخصص في أي كلية طبية الأفضل انها تاخد دورة اسمهآ : دورة المصطلحات الطبية Medical Terminology للكليات الصحية , مره تريحك تخليكي فاهمة وقت ما يبدأوا الدكاترة شرح
احنا كان متعبنا المصطلحات , وتمنينا انو ناخذ ذي الدورة بس ماكان عندنا فكره عن أي شي
الله يوفقكم ويسدد خطآكم

انا هنا للمسآعدة لو أي احد منكم عنده استفسار
واذا عندكم أي سؤال عن اقسام كليتنا حيآكم ودا رابط الكلية

http://www.skaau.com/vb/forumdisplay.php?f=89

تحيـآآتي لكمِ