[ساااااارونه]

المشاركة الأصلية كتبت بواسطة hu~ الحمدلله باركلولي انقبلت مسار علمييييي و أخيراً .. يومي كان جداً بسيط بنات لا تخافوا الموضوع مرة عادي ! أول شي كان موعدي من الساعة 9-10 أنا صحيت من سبعة و لين مالبست و كدا و خرجنا صارت 7 و نص قلت خلينا نروح بدري أحسن وصلت تقريباً على الساعة 8 ونص و أول مادخلت وريت السيكيورتي ورقة الاستمارة و دخلونا على قاعة كبيرة فيها بروجكتر و فيها كم بنت ماكان زحمة مرة أستغربت و في كم مشرفة تدقق المعلومات أول شي دققت بطاقة الهوية و الشهادة و الاستمارة و لازم تكتبوا على وحدة من الصور وراها اسمكم و رقم السجل المدني و توقيعكم و يابنات المقررات رجاءاً انتبهوا لازم تجيبوا الشهادتين وحدة حقة الدرجات و الثانية نسيت ايش هيّ (اللي تكون في ملفكم شيء زي كدا) عشان في كثير نسوها و ماخلوهم يعدّوا مرحلة التدقيق إلا إذا جابوها ! المهم بعد مادققوا على أوراقي رحنا قاعة ثانية انتظرنا فيها كم دقيقة و رحت على القبول الذاتي عند الجهاز الأخضر و المشرفة دخلتلي رقم السجل المدني و شهادتي في الجهاز و اخترت المسار اللي أبغاه "مسار علمي-السلمانية" و طلعت بطاقتي الجامعيةالحمدللله ! و بعدين مرّينا على مكان نكتب فيه انطباعنا و كدا و أعطونا بروشورات و الخ .. و رحنا قاعة كتبنا فيها اسمنا و رقمنا الجامعي و رقم الأم و الأب، و بكرة إن شاء الله موعد اختبار تحديد المستوى للإنجليزي الساعة 8 و بس .. ربي يوفقكم كلكم الحمدلله دوبي أحس بطعم الإجازة بعد البهدلة و الروحة و الجية و التفكير الحمدلله !!!!! و على فكرة ترا مرة هناك التعامل حلو و المشرفات كل وحدة تقولك مبروك بإبتسامة منشكحة ! لا تشيوا هم أبداً ~

مبرووووووووووووك عليك خيتوو
ومن أفراح لأفراح ان شاء الله