~
Fixed Prosthodontics
التركيبات الثابتة
5 ساعات + العيادات + المعامل
الفكسد الفكسد الفكسد .. المادة اللي عليها القيمة في كل سنة
ومُسببة الكوابيس للكثيرين :p
وبهذه السنة هي أكتر شي يتعب الطلبة في ريكوايرمناتتها وشغلها بالعيادات
أما كمنهج نظري.. تقريبا كله اعادة لما اخدناه برابع
مع تعمّق أكثر وتفاصيل أكثر
~
العيادات
على سنتنا كانت الركيوايرمنت هي
2 بريدج (واحد ريكوايرمنت والثاني اختبار)
2 بوست & كور
2 كراون
مشكلتنا كانت اغلب الحالات اللي نجيبها للدكاترة ما يوافق عليها
Not Approved
ومره اتأخرنا في الشغل.. مدري المشكلة كانت من فين !
الدكاترة كانوا جدا مشددين في البداية ومو أي حالة نبدأ فيها
بعدين صاروا يمشّوا
لكن الحمدلله أغلب الدفعه قدرت تكمّل شغل كويس فيه
2 بريدج
و على الأقل 1 بوست & كور + كراون
الدكاترة متطلبين في العيادات.. وما يمشوا الشغل بسرعه
بالاضافة لتأخير شغل المعمل .. وممكن يخرب بتضطروا تعيدوا الشغل !
عشان كده حاولوا تأمّنوا على حالات الفكسد من بداية السنة واشتغلوا عليها
وبعدها ترتاحوا نفسيا
الشغل على المرضى وعمل prerp. على الأسنان الحقيقية أسهل من المعمل
لكن هنا مافي ربر دام .. وشوفوا كيف الوضعيات والخوف على اللسان والخد من انها تنجرح او شي
وقتها راح تحسوا بقيمة الربر دام وقد ايش هو مرييييح ليكم بالشغل
شغل الفكسد يبغاله اتقان .. عشان يطلع الشغل تمام وما يحتاج تعيدوه
شعور المرضلى لما يضبط البريدج وترجعولهم شكل اسنانهم حلوة
أجممممل شعور ^^
ما انسى شعور انهاء اول بريدج عملتوا لبيشنتي
ابتسامة تشق الوجه وانا ومريضتني نبغى نبكي من الفرح "^^
شغل أيام وشهور واخيييرا ضبط على أحسن ما يكون
وصارت تقدر تاكل بدون ما يضايقها السن المفقود
~
المعامل ..
حتدخلوا معمل كليتنا .. وحتعملوا نفس شغل رابع بالضبط !
سبيشال تراي – واكس اب – تيمبلت - ...........
ماعدا حفر الاسنان في معمل الفانتوم ما حتعملوه
لا تتهاونوا في المعمل واحضروه وسلموا الريكوايرمنت والاختبارات
لأنه عليها درجات كبيرة تقريبا 60 درجة من المجموع 300 درجة !
~
Removable Perosthodontics
التركيبات المتحركة
4 ساعات + العيادات
الريموفابل .. بسنة رابع اتعمقتوا في النظري بجزية كومبليت دنشر
اما هذه السنة حتتعمقوا في الـ RPD
بتفاصيله وانواعه وكل كل شي فيه
وشغله أكثر من الكومبليت وأدّق ويحتاج وقت
العيادات ..
الركيوايرمنت هي
2 arches complete denture
2 arches RPD
بشرط انه واحدة منهم تكون free end
يعني كلاس 1 أو 2 كينيدي
استفيدوا واسألوا الدكاترة على كل شي عشان يفيدكم في سنة سادس
هنا حيسمحولكم نسألوا وتخطأوا وكل شي
لكن بسادس خلاص اعتمدوا على نفسكم
حاولوا توفروا الحالات من بدري عشان يمديكم تخلصوا
عندنا كتيرين داوموا للآخر اسبوع حتى بوقت الفاينلز عشان يكملوا شغلهم
الريموفابل والفكسد والاندو
هي اللي خلت الطلبة يداوموا حتى آخر قطره
فحاولوا لا تضيعوا أي سيشن .. حتى لو مافي حالات.. روحوا دوروا في المستشفى او أي مكان
لا تنزنقوا اخر السنة وتتبهدلوا
~
Orthodontics
تقويم الأسنان
ساعتين + المعامل
الاورثو احنا اخدناه بسنة رابع
طلعنا خامس وعارفين الاساسيات واغلب الشغل على الوايرات والاسلاك بالمعمل
فكان شغل المعمل عندنا خفيف
المنهج حلو .. معلوماته جديدة حتكون .. ودسمة شوية
لكن الدكاترة من اروع اروع مايكون وقسم جدا متعاون
ويفكر في مصلحة الطلبة جدا
المعمل ..
حتعملوا وايرات وتلفوها .. بالنسبة للتقويم الثابت أو المتحرك
او الاجهزة الثانية اللي حتاخدوها
حتخدوا أشعه مقطعية Ceph
وتعملوا للمريض تحليل كامل للحالة و طريقةعلاجها
معاملها ممتعه .. لكن يبغالها قوية يدوية جبارة :p
~