[تراتيل الهوى]

أنا دقيت على السكن اليوم وجبت الكم الخبر الأكييييد لتساؤلاتنا ياخواتي العزيزات
طبعاً الرقم حصلته بالمنتدى ..

أول مادقيت رد الكتروني وطلب التحويلة
كتبت التحويلة (تبع السكن) وماخذت خمس دقايق وردت المديرة ^-^
أول شي سألت إذا هو سكن الطالبات! ..يمقن سلمت يمقن لأ
<< بس شكلي ماسلمت لأني كنت مرتبكة مادري ليش!

~ المهم ~
قلت الها : أنا طالبة تخصص وكنت ساكنة في سكن الشرفية .. متى اسجل؟؟ احين؟؟
قالت : لا تعالي بداية السنة بعد ماتسوي إخلاء طرف من الشرفية
قلت الها : أول اسوي إخلاء طرف من الشرفية وبعدين اجي السلمانية
<< عشان اتأكد لأنه البنات بالمنتدى كاتبين العكس
قالت : ايه
قلت الها : ويش الأوراق المطلوبة؟؟
قالت : الموجودة بالموقع مع ورقة العمدة والكشف الطبي و8 صور شخصية
قلت الها : أنه احنا سلمنا كل الأوراق لسكن الشرفية
قالت : نبي الأصل .. وأكدت على ورقة العمدة والكشف الطبي والصور
وقالت أنه لازم وكيلي اللي يجي وياي يدخلني السكن ويكمل الإجراءات
قلت الها : عادي يجي أخوي يكمل الأجراءات ومعه توكيل من محكمة
قالت : ايه
وبس
قلت الها : مشكوورة والله يعطيش العافية ، مع السلامة =)

إذا هذي المديرة والله تجنن وحبيتها قبل لا أشوفها .. حسيتها حيل متعاونة


~ وصح لا انسى ~
مادري كأنها جابت سيرة جدول يثبت أني ادرس بالسمانية
<< يمكن توهمت اني سمعت هالشي!! مادري

اتمنى من اللي بالسكن وعارفين الأنظمة يثبتوا الكلام أو ينفوه << اللي بالأحمر ..