رد: ايش افضل للأنجليزي انتساب او انتظام؟
فعلا اتفق مع أ/ نور في كلامها
الانتظام افضل من ناحية التحصيل العلمي + الدرجات عندهم تقدري تسوي تكاليف تساعدك وتجبر لك النقص في الدوريات وبالتالي معدلك بيكون عالي وتقدري تحافظي عليه احسن من الانتساب لانو بس 100 درجة واختبار واحد ما عندك شي يساعدك او يرفع من درجتك :(
ايضا من عيوب الانتساب انك تكوني لوحدك انتي ترتبي لحالك المذاكرة والاستاذة ما تشرح لك كل شي بس النقاط المهمة يعني انتي عليك الجزء الاكبر من المذاكرة والتحضير
بالنسبة للغة مع الاستاذة في الكلاسات الحين بالسنترا تجبرك على الانجليزي حتى بالشات ممنوع تكتبي ولا كلمة عربي بس ممكن يتخلل شرحها كم كلمة عربي بالنادر طبعا وحسب الاستاذة كمان
اذا ما كان عندك جروب وصحبات راح تملي كثير فلازم من البداية تتواصلي مع من زميلاتك عشان تتحمسي وتذاكري معاهم
ايضا من عيوب الانتساب انك مجبرة على استاذة وحدة لانو اغلب الشعب خاصة في المستويات الاخيرة من السادس لفوق تكون عند استاذة وحدة يعني اما تضطري انك تحذفي المادة وتتاخري في التخرج وهذا حصل معاي شخصيا اكثر من مرة او انك تنزليها وتتوكلي على ربنا وربي يعينك وتعديها لكن الانتظام عندهم تنوع في الاستاذات اكثر مننا وعددهم بالكلاسات اقل بكثير فاستفادتك تكون اكبر وافضل
جزيئة الدورة ووقتها الحمدلله من السنة الماضية صارت بدري من بداية الترم وان شاء الله يستمروا على كذا
من عيوب الانتساب ايضا انو الاستاذات ما يتواصلو معك خارج نطاق الدورة ع الايميل لازم تروحي لهم شخصيا للجامعة وتكلميها ما عدا مس نجوى الله يذكرها بالخير اما البقية فما يعترفوا عندنا بالايميل بالنسبة للانتساب.
ايضا من العيوب انو اختباراتنا بس اسبوعين وفي العادة يجيك كم مادة تكون اختباراتها ورا بعض يعني ما فيه نوم تقريبا طبعا مو شرط يكون كذا كل ترم حسب جدولك لكن ممكن يصادف عندك مواد ورا بعض في الايام واحيانا مادتين باليوم الواحد حسب جدولك (بس الحمدلله قليل اللي عندهم مادتين في نفس اليوم ويمكن نادر بس فيه زميلات ليا حصل معاهم هالشي ) فلازم تعملي حسابك من بدري بالمذاكرة وتشدي حيلك تمام .
الميزة الوحيدة في نظري انك غير مقيدة بحضور الدروس مباشرة ممكن تسمعي الدرس وقت ما تقدري .
ربي يوفقك ويكتب لك التيسير سواء انتظام او انتساب :)
|