[أنفاس مشرقة]

وأنا بقرأ عن المقابلات الشخصيه ..
قريت أنهم ممكن يستفزوك .. مثلا سألوك عن طموحتك وانتي قاعده تتكلمي الا وووحده تنط لك وتضحك بصوت عالي او تبين لك انها ماسكه ضحكتها .. عشان يقهروك ويشوفوا رده فعلك ..!!! << استغفر الله بس الله لا يطيحني ولا انتم في موقف مثل كدا.. وأعتقد الإناث طيبين ومايسون مثل كدا
..
وكمان قريت انه أغلب الناس يرتبكوا أثناء المقابلات وهو شي طبيعي .. لأننا بحاجه لهده الوظيفه وهدا سبب الارتابك لان هالشي يهمنا .. فإحنا نتخيــل معا حالنا أنو أحنا موظفين ومرتاحين .. وان كليه رابغ اتصلوا علينا فقط لانهم يبغوا يعملوا معانا مقابله بسيطه .. كدا راح يخف التوتر والخوف والارتابك <<< شفتوا كيف ^_^

..

وعندي ســـــــــــؤال كم مده المقابله ؟؟!! 5 دقائق لكل طالبه ؟؟ ولا 3 دقائق ولا ع حسب كل وحده ؟؟؟!! << هالسؤال مهم

نصائح مهمه جدا :
· دائما وأبدا ونهائيا لاتكذب بالسيره الذاتيه .. لاتحط شئ مو موجود فيك .. لانهم ببساطه يمكن يكتشفون كذبك ... لازم تكون حافظ السيره الذاتيه زي اسمك .. 99% من المقابلات يحطون السيره الذاتيه قدامهم ويبدون يسألونك عنها ..
· الاناقه لها دووور .. رح للمقابله كانك رايح لحفله زفاف<< ( مو تزينين مره يعاني ملابسك الونها متناسقه ) .. ولازم تكون عالموعد ولو تأخرت حاول يكون العذر مقبول وواقعي ..
· لاتبين في المقابله انك حافظ اجابات .. رتب اجاباتك وجملك على اساس انها ارتجاليه ومنت حافظها قبل المقابله ..
· لاتضحك كثير خليك مبتسم وجاد .. لاتكون بارد لاتبين لهم انك محتاج لهم او للوظيفه .. بين لهم انهم بحاجتك وبحاجه لمهاراتك ..
· غالبا يقولون لك في نهايه المقابله اذا عندك اسئله لهم .. رتب لك سؤالين تبين اهتمامك وجديتك ز. لاتسأل عن الراتب وعن الاشياء الماديه نهائيا ..
· لاتتصنع شخصيتك .. لاتحاول تبني لهم شخصيه غير شخصيتك .. خليك على طبيعتك عفوي وجاد وطموح ..
· لغه الجسد جدا مهمه .. لاتشبك اصابعك ولا تحط رجل على رجل .. اجلس بشكل معتدل ومع كل اجابه حاول تشرح بلغه الجسد تستخدم ايديك وراسك .. لاتنزل راسك تحت استحضر اجابتك وانت تطالع سواء يمين او يسار او فوق ..
· بعض المتقدمين يبني شخصيه الشخص المؤدب جدا .. بالعكس خليك عااادي جدا ..
· أخيرا تذكر دائما .. إذا الله كتب لك الوظيفه بتاخذها لو كل المدراء ضدك .. ولو الله ماكتب لك الوظيفه ماراح تاخذها لو وقفو معاك كل المدراء ..