[Respect me Respect U]

المشاركة الأصلية كتبت بواسطة renad1994 يآ عالم لا تتعففون وانتو من جنبهآ وربي لو اي وآحد فيكم جآب المعدل و النسبة اللي تدخله الكلية و بجدارة بس مافي مقاعد متاحة بحكم التكدس انه ليبوس رآس الوآسطة بعد ! و بعدين ترى فيه فرق بين رشوة ووآسطة يا متعلمين ! بس نآس تتكلم من فرآغ و فلسفة ع الفاضي و المليان متى نتعفف عن ذا الشي ؟ لما يكون للنظام و القانون و العدل مكآن ساعتها نمتنع و نتصرف بأخلاق بس للأسف في الجامعة حق الضعاااف مهضوم و اللي عندهم ريش يا بختهم ما يشيلون هم شي كل شي يجيهم بارد مبرد سواء اجتهد او لا و اتوقع اغلب الردود توضح ذا الشي

مساء الخير يا اخت ريناد مبرووك عليكي التخصص وربي يبارك لك فيه ويكفيك شره
عمره ماكان الحوار بالاسلوب هذا (كل كلمة تكتبيها تعبر عن شخصيتك وتفكيرك )
بس حبيت اعقب علا نقطة الفرق بين الرشوة والواسطة ( لانه مافيه احد غيري ذكر موضوع الرشوة )


عجبا ! وماذا يفرق الرشوة عن الواسطة ؟

الرشوة : أن يأخذ الموظف أو المسئول مقابل مادي نظير تقديم أو تسهيل خدمة كان من الواجب تقديمها بدون مقابل كجزء من العمل الذي تقاضى الموظف راتبه مقابل أدائه . وغالبا ما ترتبط جريمة الرشوة بالتزوير والتحايل على النظام .

الواسطة : أن يقوم الموظف أو المسئول بحجب بعض الخدمات أو الوظائف أو الترقيات عن عامة الناس وقصرها على عينة محدودة فقط أو أن يسهل تقديم الخدمات لبعض المراجعين دون البعض الآخر . ومن الطبيعي أن كل وظيفة أو ترقية أو خدمة جاءت بالواسطة فهي على حساب حقوق مواطن آخر قد يكون أكثر جدارة وحقا وحاجة من صاحب الواسطة

ومن المعلوم أن الموظف لا يتوسط لأحد إلا عندما يرتجي من وراءه نفعا وقد يكون هذا النفع اجتماعيا ( كأن يذكر في مجالس القبيلة أو الأسرة بالخير و يحتفى به عند قدومه )
أو قد يكون هذا النفع خدمة مماثلة كأن يقوم مسئول في وزارة ما بترقية أو توظيف ابن أو صديق مسئول آخر في وزارة أخرى مثلا وينتظر منه رد الخدمة له ولو بعد سنين , ( بالعامية أمسك لي واقطع لك ) وهذا النوع من الواسطة هو الأكثر شيوعا .

في الرشوة خدمه مقابل مال , وفي الواسطة خدمة مقابل خدمة وكلها استغلال العمل العام لأجل منافع خاصة وكلها خيانة للوطن والمواطن وواجبات الوظيفة

كلها في النهاية حرااام ومافيها برركة
ومافيه فررق كبييير بينها
اتمنى تتقبلي الموضوع بسعة صدر اكببر ( صدقتي اللي يده في المويه مو زي اللي يده في النار ) بس نسيت حااجة مهمة قال الله تعالى ( وعسى ان تكرهوا شيئا وهو خير لكم وعسى ان تحبوا شيئا وهو شر لكم ) وماتعرفي الخير وين يا عزيزتي الا بعد سنين
اتمنى تتقبلي مروري بنفس طيبة