[جووري الوررد]

حبيبتي ريم الحمدالله هدا فضل من ربي وتوكل اهم شي والاجتهاد المضاعف عن المدرسه انا اقولك طريقه مداكرتي شوفي حبيبي اكدب عليكي لو قلت لك اني اطالع في الماده المطوره او ملفات الحميل الي ينزلوها يمكن تعرفيها لو انتي تعليم عن بعد لاني ماعرف اداكر شي من الجهاز انا احب امسك شي في ايدي واداكر اول شي انا احب لما تبدا الدراسه هي ثلاث شهور ونص الترم اول شهر انا اريح فيه ماارهق نفسي في المداكره اسمع المحاضرات لو شفت ماده صعبه ابدا اساال عن ملخصات من البنات الاستادات ارسلهم ايملات وبعدين قبل الاختبارات بشهرين خلاص ابدا اداكر مداكره مكثفه امسك الماده اختم ابواب اراجعها الي ماني فاهمته اشتري ملخصات كثير فادتني الملخصات ادا عندك امكانيه ماده صعبه احضريها مع صحباتك الانتظام كنت احضر الاحصاء معاهم الانتظام صحباتي كثييييييير فادني وجبت درجه حلوه اما ادا ماتقدري خدي ملخصات فادتني كثير في الانجليزي المهم باختصار حاولي مايجي الاختبار النهائي الا وانتي مختمه المواد لانه مواد الجامعه مو زي المدرسه ماتقدري في يوم اعتبري يوم الاختبار اجازه او مراجعه لاي معلومه سريعه اما تداكري انسي لانه يمر في لمح البصر انصحك لاتأجلي سوي جدول لنفسك بلي تحبي تبدأي فيه تحبي تبدأي بالفهم او الحفظ الي يريحك بس غالبا خلي الحفظ بعدين عشان ماينسي ولاتتماطلي فيه التزمي في الجدول تقولي بكرا بعده تروح الايام عليكي حسسي نفسسك كانه بكرا الاختبار الخوف يخليكي تشدي في الماده تابعي الاشياء المحذوفه احرصي تاخدي الثلاثين حقت اعمال السنه حلي تمارين الواجبااااااااااااااااات بنفسك اركز على دي النقطه كثييييييير راح تفيدك وربي لو اخدتيها من غيرك راح تندمي انا الترم الي فات كنت اخد بعض تمارين الريضيات من صحباتي مالي نفس احل بس ندمت يجي النهائي ماتعرفي تحلي هو الي نزل المعدل الترم الي فات شوي ولا كان صار اعلى بس لااحصاء هدا الترم لما انا احل الحمدالله جى النهائي وانا واثقه وجبت درجه كثير طيبه الحمدالله تأكدي من صحباتك مافي مشكله من حلك بس تاخدي منهم لا والله راح تندمي راجعوا الحل مع بعض عشان تضمنوا الدرجه والاختبارت الدوريه الي على الجهاز داكري لها كووويس كانه نهائي ولا تطالعي في الكتاب راح يساعدك كثير في النهائي تصيري تراجعيها بس
تقريبا هدا كل شي صح قلت كلام كثير بس كل شي تقريبا حبيت افيدك فيه وصح هيا خطوات كثيره بس ترى صغيره ماتاخد وقت لكن في النهائي تفيدك كثييير مو زي لما تمسكي الماده اول مره تفتحيها تموتي والله ماتقدري تخلصيها وماتقدري لو طلع شي صعب متى تلحقي تلخصي وتفهمي وتشتري ملخصات وصح في شي كمان اقري انصحك اقري الي بين السطور كويس حتى لو حسيتي المعلومه مي مهمه او مي معاكم اقريها بتركيز بس عشان لو جات تكون قد مرت عليكي والله يوفقك يارب ولو حبيتي تساالي عن اي شي انا موجوده