[O-DODY-O]

ابسط اسلوب للوزن بين ( المهاره& صفه)

اولا:

تحديد الصفات التي تحتويها شخصياتنا ( ايجابيه وسلبيه)

الايجابيه :

1- دعم الاخرين ومساعدتهم ...

2- احب التميز ... اكره الشي اذا شفت احد زيي .. واكره الناس اللي يسرقو مخططاتي وافكاري وينسبوها لنفسهم .. خصوصاً اللي تتعلق بمستقبلي

3- ما ارضى اخرب حياتي عشانها خربانه .. انا ليا نفسي وبس .. انا ليا مستقبلي .. ليا حياتي .. اللي المفروض مافي شي يخربها


السلبيه

1- العصبيه .. مشكلتي اعصب اوقات في اشياء ما تستاهل واوقات العكس تلاقي الشي ذا لازملو عصبيه انا تلاقيني اضحكـ

2- مشكلتي اطفش بسرعه .. حتى من البشر اللي حوليني

3- ما اعرف اجامل .... صريحه لدرجة اني اخرب علاقاتي بناس كثير .. احاول اجامل اوقات بس احس مجاملاتي تطلع غلط وبقوه كمان ... عشان كذا ما افكر اجامل ابداً ادي الواحد بوجهو عجبو عجبو ما عجبو مع نفسو < ادري اسلوبي ذا غلط بس ما اعرف اجامل ..


ثانيا :

دعم كل صفه بمهاره تناسبها( الايجابيه نصقلها بمهاره ما و السلبيه نعوضها بمهاره اخرى)


وهذا واجبكم لليوم

تحديد صفاتكم ودعمها بمهارات .,


واجبكم بالاضافه للي قلته

تحديد هدف بشكل جدي

انا ابي كذا .....
وشايفه نفسي بكذا
وماينفع اكون غير كذا


انا ابغى ابني مستقبلي بنفسي ولنفسي خصوصاً انو ما عندي ولا احد غير نفسي

وشايفه نفسي اني مو ناقصني شي الحمدلله ... كل شي ربي اداني هوا الحمدلله .. يعني ليش امنع نفسي من اشياء كثير تقدر تسويها ..!؟ ( نفسي اعتبرها ... عباره عن جهاز كبير متعدد المهام يقدر يسوي كل شي في نفس الوقت )
يعني مثلاً دحين النار احسن مني..؟؟ تطبخ كل انواع الاكلات .. يعني انا مثلاً ما اقدر اسوي كل شي ابغا اسويه ..!؟
والمكنسه تكنس كل انواع الارضيات ولها اكثر من نوع .. يعني انا البني آدميه اللي صنعت شي من لا شي ما اقدر اسوي كل شي..؟؟

وما ينفع وجودي يكون زي عدمو .. انا انسانه ربي خلقني عشان افيد و استفيد ... واذا استفدت وما افدت ايش الفايده من وجودي ..؟؟
ياما ناس انولدوا وماتوا ومحد داري عنهم .... وياما ناس انولدوا وماتوا من قبل الآف السنين والين دحين نعتبرهم قدوه لنا



اكتشفت ان واجبي ناقصو تحديد الهدف

تحديد الهدف بالنسبه ليا الحمدلله طريقي واضح وماشيه صح الين دحين

بصراحه ما احب اتكلم عن الشي ذا بالذات ... هوا بالمختصر المفيد (مشروع مكمل لمشروع) المشروع متواجد من قبل 17 سنه ونجح نجاح كبير < بس ما راح اتكلم عنو

هوا ذا مشروعي اللي قاعده اسويه ... هيا مجرد فكره طرحتها و الكل وافق عليها وهيا حتى الآن تحت الانشاء < بس ان شاء الله تنجح و يكبر المشروع ويوصل لأنحاء المملكه كلها

< بس هاذي مجرد مساعده مقدمه مني

لكن مستقبلي مستقل بإذن الله ما ابغى اربطو بغيري
حالياً افكر اخذ دبلوم تصميم ازياء عشان افتح بوتيك خاص فيا