[مصره على قراري]

أنــآ ..!! لي حوالي سنتين , أردد عبارة لأهلي , اخواني وأخواتي يضحكوا عليها , بقولهم انا في يوم حيكون في رصيدي (....) مليون ريال شرعية ما حأقولكم المبلغ , اخاف تضحكوا عليا زيهم , لانه شايفينه خيالي , طبعآ شرعية (حلال بإذن الله) , من هذا المبلغ أبني فيه مسجد (جامع بالآحرى) + أكمل فيها مسجد اشوفه كل يوم وانا رايحة وجاية من الجامعة , وله للان حوالي 8 أو 9 سنوات ما اكتمل , لمن شفته وانا رايحة اطابق اوراق الماجستير بكيت , المولات يتخطط لها وتكتمل في سنة والمسجد له 8 سنوات زي ما هو ~~ ابغى أكفل أرامل كثير أعرفهم في حياتي طبعآ بذرياتهم الأيتام , اكفلهم ببناء عمارات , وحدات سكنية يعني , مو مجرد تأمين حياتهم ماديًآ , موضوع الأرامل دا مرة مهتمة فيه , أمي ارملة وخالتي أرملة وخالتي الثانية , وجارتها ارمله وصحبتها ارملة ~~ أنا أحس انه هذا الشي دحيْن نصب عيني , اتوقع انه بيتحقق حبه حبه , (المبلغ بالذات ~~ يمكن مو شي كبير اللي سار للآن , بس انا احس انه اول خطوة للوصول للمبلغ اللي ابغاه جات)

ممتاز بجد ممتاز

محتاجين وضوح رؤيه

ومحتاجين شجاعة فالحلم

حتى لو بعيون الكل صعب وخرافي

كل انجاز حولكم كان صعب وخرافي بفتره

ولو اصحابه فكروا بمحدوديه

كان مدانا بالكهوف الان

او حتى الكهوف مانعيش فيها

لانو اي تكيف طبيعي كان خرافي في بداية الامر


لا سقف للرغبات والطموح

انتوا ماتطلبون من البشر

انتوا تطلبون من رب البشر

الي ما يعجز عن شي

سبحانه