رد: بنات الي جابو نسبة 4.80 - 5 بليز أدخلوو
وعليكم السلام ورحمة الله وبركاته
اهلا ^_^ الحمدلله تمام :p + الله يسمع منك ^.^
مبروك التخرج وان شااءالله تكوني من المقبولين ^.*
اوكي حبدأ بخطه ب ( الترم الاول )
الكيميا : ماده سسسههههللله بس المنهج شوي طويل , وكنت مع دكتورة فوزية البلوي - الحين ماتدرس بجامعتنا - اتعب واقولك ماشاءالله كويسسه مرا , وغير كذا اخلاق ومحترمه وكللو , كانت مذاكرتي من المحاضرات الي اكتبها والكتاب ماعدا تشابتر 7 من سلايدات د.ليلى الحربي , + ملخصات لبعض التشاباتر كانت الدكتورة توزعها بنفس الكلاس ( دكتورة فوزية كانت تنصح المذاكرة من الكتاب ) + تست بانك د.ليلى فيه تمارين مهمه كنا نحلها مع دكتورة فوزية ..
نصيحه للكيميا لا تستهوني بيها صح سهله بس للي يذاكر ومو بعيده الـ 100 ^.*
افضل دكتورة : د.ليلى الحربي ( منسقة الماده) وسمعت د.نهى وزان
الاحصاء : كمان ماده سهله وكثير جابو 100 .. كنت مع دكتورة سماح سندي وماشاءالله ممتازه وشرحها مايحتااج اقول ( ممتاز جدًا جدّا ) شعبها دايما مليانه افتكر .. اذاكر من الكتاب وطبعًا مع حل التمارين الي فيه وقبل كل اختبار كنا نحل اختبار السنه الي فاتت معاها .. مهم جدًا انك تركزي ف كل حرف ينقال بالمحاضره .. وفيه سكشن مهم ( كلاس اضافي لحل بعض التمارين ) , للآمانه ماكنت احضر احنا الترم الاول د.سماح ماكانت تدي سكشن وكانت تحل معانا الاسئله الي مانعرفها بس سمعت الترم الثاني انها تعطي سكشن ^^
الاحياء : حتكلم عن نفسي :p انا احب الاحياء والحمدلله وقت الكلاسات ماكنت اطفش كنت مع د.فيريال وشرحها حلو بس تنوم شويه ^^" المذاكره من السلايدات والمنهج دسسم .. ماينفع ابدا ليلة اختبار .. لازم تذاكريه قبل طبعًا لانه طويل بمعنى الكلمه ..
افضل الدكاترة : د.سالينا صديق - منسقة الماده - كانت تدرس صحباتي / + د.حنان الشاذلي اتوقع ( جاتنا وقت اختبار وساعدتنا كثير الله يوفقها و صحبتي تقول شرحها ححللو ماشاءالله )
ملاحظه*( السنه الي فاتت كان تست بانك = مجموعه من الاسئله وتجي منها , بس ع دفعتنا اتغير النظام وسار من سلايدات , الخلاصه ممكن يتغير النظام هذا ويرجع تست بانك ع دفعتكم ويمكن لا )
الانجلش طبعًا تختبري اختبار تحديد مستوى ( موعد الاختبار بعد اليوم الي تستلمي فيه البطاقه )
الانجلش ينقسم لـ 4 مستويات + المستوى الاول مايدخل في المعدل .. وكل مستوى 6 اسابيع
هي ماده سهله بس تطفش --" الكلاس 4 ساعات تقريبا يوميًا !
انصحك لو دخلتي المستوى 4 روحي لـ قسم الانجلش وانزلي لـ 3 ( يرفع المعدل ) بس حطي فبالك ان الانجلش يتعب كـ عدد ساعات وليس ك منهج ^^"
الحين نجي لـ خطة أ
حاسب : ماده سهله تنقسم ل نظري و عملي .. طبعًا معروف الاغلب يجيب a+ اي انها ماده ترفع المعدل .. بس لا تستهوني بيها .. المذاكرة من الكتاب وكنت ادرس مع أ.حليمة سمرا بجد استاذه يناس ماشاءالله طيبه واخلاق وشرحها مرا مرا حلو .. تسوي مراجعات للعملي بحيث لما تدخلي العملي تكوني فاكره هه - الاختبارات النظريه تكون الكترونيه -
الاتصال : اعترف ماكنت احبها .___. اطفش منها ومع ذلك هيا ماده ترفع المعدل و الاغلب جاب a+ كنت مع د.حسناء ماشاءالله طيبه وتشرح بامانه وماتحسي بالوقت معها
المذاكره من الكتاب + فيه تكاليف عليها 30 درجه
افضل الدكاترة : أميرة النمر .. وانا اشوف د.حسناء ^^
الرياضيات : عبارة عن تكرار للثانوي بس باللغه الانجليزيه .. مهم بالرياضيات تفهمي كل شي وانك تذاكري اول بأول واذا مو فاهمه شي اسألت دكتورتك .. كنت اذاكر من المحاضرات ( احب اكتب كلام الاستاذه حتى لو موجود بالكتاب هه ) + الكتاب واحل الواجبات والتمارين والاكزامبلز + الوورك شوب ( مجموعه من الاسئله لكل جزئيه ) وطبعًا لو ذاكرتي اول بأول وتحلي اسئله كثير ان شاءالله 100 ^___^ كنت مع استاذه ليندا الزبن .. عسسل مرا ماشاءالله شرحها وكلو ^^
اما بالنسبه لافضل الدكاتره الرياضيات فيه كثير كويسين ..
فيزياء : طبعًا الفيزياء شي اساسي انك تفهمي الدروس عدل .. لانو فيه اسئله تجي تبين الي فاهم من الي مو فاهم .. المذاكره كنت من المحاضرات وارجع للكتاب للجزئية النظريه والاسئله .. واراجع من ملخصات د.هناء فرحان ( ترتب لك المعلومات وفيها تمارين مهمه ) وبعد ماخلص كنت احل نموذجين او 3 من نماذج د.هناء .. كنت مع د.هناء فرحان انصحك لو مانزلت لك حولي عندها من بداية السنه ^^ شرحها ممتاز جدًا .. واخلاقها ماشاءالله .. وكثير عندها جابو 100 .. + سكشن الفيزيا مهم مهم مهم
نصيحه .. كل المواد يحتاج لها مذاكره اول بأول وتفهمي كل جزئيه فيها حاولي انك ماتغيبي فالمواد العلميه كل محاضره مهمه .
افتكر الترم الاول فـ الدوري الاول , البعض وليس الكل جاب فيه علامات اقل من المتوقع بحكم انو اول اختبار ومو متعودين وتوتر هههه فجاهم احباط وكذا وانا منهم بس الحمدلله عوضت الدروي الثاني والفاينلز وجبت المعدل الحلو .. الي بوصلك هوا انك لا تستسلمي ومافي شي مستحيل ^__________^
كذا خلصت واسفه ع الاطاله ^^" .. وان شاءالله تجيبي معدل عالي ومو بعيده ^.^ ( فيه مواضيع مثبته تفيدك )
دعواتي لكم يادفعه 13 بالتوفيق والنجاح .. ادعيلي انقبل في الرغبه الاولى :*
بالتوفيق~
|