[أبو غرام]

ياصغيّر السـن قـدرك طاحـت أبراجـه

الجرح خلى الصخـر ينطـق ونطقنـي

خــلاص مـاعـاد تعنـيـنـي ولا حـاجــه

رح جــعــل ربــــي يـوفـقــك ويـوفـقـنــي

من بعد ما كنت نور العمر وسراجه

اليـوم صـرت الـظـلام الـلـي يطوقـنـي

عطيتك أكثر من اللي كنت تحتاجـه

أسرفـت فالـحـب لـيـن الـحـب وهقـنـي

خـلاص مالـي ومـال الحـب وإزعاجـه

مالي ومـال الـدروب اللـي تضايقنـي

تعبـت أضــم البـحـر واهــدي أمـواجـه

تعبت أجامل وأشوف الوقت يسرقني

شكـواي للـي عليـه الضـيـق وافـراجـه

الـلــي إذا شـــاء يرحـمـنـي ويـرزقـنــي

أمـا انـت يابـو جبيـن عقّـد احجـاجـه

لاعـاد تسـأل علامـك مـنـت طايقـنـي

الـنـاس كـــلٍ عـلــى دربـــه ومنـهـاجـه

وأنـا عـن النـاس مابـه شـي يفرقـنـي

إلا انـي دايـم أحــب الـصـدق وأواجــه

مخلوق والله على هالوضـع خالقنـي

حتـى رفيقـي ضمـاد القـلـب وعـلاجـه

علـى كثـر مـا أتمـسـك فـيـه صدقـنـي

لـو ادري انــه مرافقـنـي عـلـى حـاجـه

لاامـسّـكـه حـاجـتــه وأقــــول فـارقـنــي

تحياتي للجميع