رد: موعد نتائج التسكين
على طاري فيتامين واو حصلي موقف شخصيا ..
الترم الاول في تحضيري الهندسة رسبت في ماث 202 كانت جدا صعبه وزفت الزفت وانا اصلا كنت ضاغط نفسي جدااا واصلا 60٪ نجحو بالدف لدرجة ان النجاح كان من 45 وطبعا انا دفوني دفوني بس ماقدروا عليا هههههه
المهم الترم الثاني رحت شؤون الطلاب وكلمت البيج بوس موفق قلت له بنزل ماث 203 بدال 202 عشان ارفع معدلي بحكم انها سهله جدا واصلا ماث 202 حتى لو جبت 95 كاني جبت 75 من الاف فحرام معدلي يطيح وانا بتخصص السنة ذي مابغى اتخصص الترم الجاي .. الافندي قلي لااا الماث 202 في المستوى الثالث لازم تخلصه كله وتخش في المستوى الرابع ( تحضيري الهندسة مستويين الثالث والرابع ) واصلا من بداية الترم الطلاب نزلو من الثالث والرابع خليطي وانا منهم .. قلتلو ترى الثالث مابقيلي الا 202 قلي ماقدر ذا نظام واصلا 202 متطلب ل 203 جبلي ورقة مختمه من الوكيل يسمحلك تنزل 203 او انها مو بحاجة متطلب فرحت لكلية العلوم بحكم ان المادة من عندهم وجبت ورقة مختمة موقعة ان 203 مالها متطلب وعادي انزلها .. رجعت للزفت موفق ووكان مشغول فقام واحد من الموظفين الله يوفقه دنيا واخره شافني معرق وقرفان من المشاوير قلي هات اعطيه وخلي الموضوع عليا ( مع ان الهرجة نظامية اصلااا ما يحتاج فزعات) جا بيدخل عليه قله الطالب ذاك وذي ورقته سمعته من اخر المكتب يقول " اخسرك منو " الموظف جاني يقلي معليش قلت له خلاص انا عرفت كيف اجيب راسه الحقير .. رحت انا وزميلي لواحد اعرفه فكلية الهندسة " زهراني زيي" قلي ثواني واخذ رقمي واتصل ع شؤون الطلاب وبعدين لف الشاشة وقلي شوف ( المادة نزلت زي الحلاوة ) :)
بأختصار موقفي كان صحيح وجيت بشكل نظامي بورقة مختمة والخ بس اضطرني الحقير اني اشغل الواسطة يعني لو من البداية رحت لزهراني ذا كان ريحت راسي :)
^^^
هذا مثال بسيط جدا جدا جداااا ماراح انكلم ع الحوسه والانظمة اللي تجي فيوم وليلة عشان ينكبو بها الطلاب
الزبدة الله يكون بعونكم
سلملم
|