[ζ ـــږۉف الـتـ’ـمـيـــزْ]

اللحين نجي للغة الانجليزية

.. ثاني يوم من تسجيلك للجامعة يعطوك موعد اليوم اللي بعده تروح تختبر تحديد المستوى .. طبعاَ الاختبار على حسب المكان اللي يحددوه لكم والوقت..اما يكون في الكليات الطبية او العلوم بالنسبة للبنات .. الاختبار آلي في منه اختياري ومحادثة وعليها خيارات ,, وجزء سماعي يتكرر مرتين فقط وعليه خيارات .. وقطعة وفيها فراغات انت تعبيها من غير خيارات .. طبعاَ على حسب حلك يطلع لك الاسئلة اللي بعدها .. هما راح يشرحون لكم قبل ماتدخلون الاختبار... اسم المادة :اللغة انجليزية عدد المستويات :اربع مستويات .. كل مستوى 6 اسابيع.. وفي كل ترم تخلص مستويين .. يعني اذا بدأت من المستوى الثاني .. يبقى لك جزء في اخر السنة من غير انقلش لانك خلصت المقرر عليك.. واذا بدأت من الثالث الترم الثاني ماتدرس انقلش .. وهكذا .. عدد الفصول :من 12 الى 14 وحده على حسب المستوى مواضيع الفصول :تختلف برضوا من مستوى للثاني تقسم الفصول والدرجات في الاختبارات : الدوري (النصفي ) :الستة الفصول الاولى.. 30 درجة( 45 سؤال) .. (كل سؤال علية 0.66 درجة) النهائي :جميع الفصول 40 درجة (60 سؤال) .. (كل سؤال علية 0.66 درجة) * اختبار الكتابة (Writing) علية 10 درجات : 5 درجات في الاختبار النصفي (يكون قبل الاختبار النصفي ومعاه ) المواضيع اللي تختبرون فيها تكون من 6 الوحدات الاولى(مو 6 مواضيع.. على حسب كل لفل ايش المقرر عليكم فية ممكن يكون موضوعين بس) ...... 5 درجات في الاختبار النهائي (قبل الاختبار النهائي) عادة تكون من المواضيع اللي ما اختبرت فيها في النصفي.. في المستوى الاول والثاني :يكون فيه اسئلة مع اختبار Writing عاده تكون رتبي الكلمات عشان تسوي جملة صحيحة.. او صححي يكون اول حرف مو Capital او مافي استفهام او نقطة.. والصفحة اللي بعدها يكون فيها موضوعين تتكلم عن واحد فيهم بس لك حرية الاخيار.. واحد من الموضوعين يجي فية جدول يحتوي على الافكار انت مجرد ترتبهم في جمل وتراعي قواعد الكتابة اللي هي تترك مقدار خمس حروف في بداية الجملة.. بعد كل نقطة يكون الحرف Capitalوالأسماء كمان.... الخ في المستوى الثالث والرابع :يكون فقط كتابة التعبير .. نفس الشئ موضوعين انت تختار اللي تبغى وتكتبه عنه.. واحد من المواضيع من غير معلومات والثاني فيه جدول يحتوي على معلومات.. بس المستوى الرابع مافي جدول.. النصفي موضوع شبيه بالمواضيع اللي اخذنها .. مثال : يكون مقرر علينا اسوء عطلة وفي الاختبار يكون اسوء يوم.. النهائي يكون نفس اللي اخذناه بس يختلف شوي .. مثال : اوصف احد اقارب.. ويجي في الاختبار اكتب عن عمك او اخوك على حسب المطلوب .. ( هذا اللي صار معانا الترم الاخير يمكن يغيرون النظام لانة يتغير بين ترم وترم ) .. المستوى الاول :لازم نكتب 25 كلمه على ما اعتقد المستوى الثاني : 50 كلمة او اكثر المستوى الثالث : 75 كلمة او اكثر المستوى الرابع : 150 كلمة او اكثر الوقت :يتراوح من 25 الى 45 دقيقه * اختبار التحدث (Speaking)علية 10 درجات :5 درجات في الاختبار النصفي (يكون قبل الاختبار النصفي) المواضيع اللي تختبرون فيها تكون من 6 الوحدات الاولى(الفهرس في بداية الكتاب مكتوب مواضيع Speaking خذوا عنها فكره قبل الاختبار لان تجي نفس المواضيع.. كمان مواضيع Reading في جزئية اسمها What do you think!! ممكن يجي منها كمان).. 5 درجات في الاختبار النهائي (قبل الاختبار النهائي) هنا ممكن يجي من المواضيع الوحدات كلها .. في المستوى الاول والثاني :يكون 5 اسئلة وصوره توصف ايش فيها.. المستوى الثالث والرابع :يكون سؤال وانت تجاوب عليه بأريحية وممكن يكون في اسئلة مساعده.. على حسب الاستاذ او الاستاذه (الاغلب يكونوا اساتذة .. الاستاذ اللي يدرسك وواحد من المعهد ) .. في بعضهم ممكن يتغاضى والبعض مره دقيق.. كمان في اساتذة ممكن يكون الحوار بينك وبينه .. والبعض لا يخليك تقوم تتكلم قدام الصف .. بالنسبة لي كنت مرره خايفة .. بس في استاذه قالت لنا احنا ننتبه للثقة بالنفس اكثر شئ .. وترتيب الافكار مو مهم زي Writing.. مرره سهله تلقى نفسك تتكلم براحة .. بس شفتها اسهل من المستوى الاولى والثاني .. المستويين الاولى .. ميزتها ان لما تجيك صور تستخدم There is و There are .. * في ملف يكون للأنشطه.. ينحط فية الاختبارات القصيرة اللي نختبر فيها لازم في كل اسبوع يكون فيه اختبار .. هذا الملف عليه10 درجات مقسمة.. على كل اختبار 5 درجات وبعدين يجمعونها ويقسمونها على عددها ويطلعون الدرجة من 10.. الاختبارات تشمل Grammar , Vocabulary , Reading and Listeningلكن نادراً Listening يمكن في اللفل كله مرة واحده.. في كمان شئ اسمة Reading Circle يعطوكم 3 قطع ويقسموكم مجموعات كل مجموعه مكونه من 6 طلاب كل واحد لة وظيفة.. واحد يطلع اهم الكلمات ويترجمها بالانقلش .. واحدي يكتب قصة مشابهه للقصة المذكوره ..وواحد يكتب الفرق بين عاداتنا وعاداتهم .. وفي القائد يحط اسئلة عامة على القطعة .. واللي يلخص ..واخر واحد يطلع المقاطع اللي استمتع فيها كثير وليش.. كل وظيفة تكون مكتوبة على ورقة كل شخص.. مرره سهل ومفيدة ... المجموع : 100 ..مافي بونس ابداً افضل الدكتورات :هم كثير لايحصون ماشاء الله.. والاغلب جيدين .. المذاكرة :اكيد من الكتاب Grammarموجود كلة في اخر الكتاب.. وVocabularyفي ورقة لكل مستوى فيها الكلمات اللي يجي منها في الاختبار..اما Readingفي الاختبار يجي قطعتين وحده من الكتاب والثانية خارجة.. Listeningممكن يجي من اللي في الكتاب او خارجي..برضوا جزئيتين وحده حوار بين شخصين والثانيه شخص يتكلم عن شئ معين وتنعاد مرتين .. في كمان جزئية اسمها Every day English ..الترم الأول كانت جملة قدامك واربع خيارات تحلها بسهوله لان واضحة .. و لها جزئية في الكتاب بس ما تتذاكر.. لكن الترم الثاني صارت الجمل مو مكتوبة نسمعها مره وحده بس ولها 4 خيارات ... افضل طريقة لحلها اكتب الجملة اللي يقولها بعدين راجع على راحتك.. الملخصات : في ملخص .. بس ماقد استخدمت .. الكتاب مره واضح .. طريقتي : *اذاكر Grammar من اخر الكتاب.. * اذكر Vocabulary من الورق المخصص له .. * واخذ فكره عن Every day English.. * احيان اذا مداني ترجمت الكلمات اللي ما اعرفها في Reading وامر على Listening.. ♥ لا أحد يرد لين اخلص ♥