[ζ ـــږۉف الـتـ’ـمـيـــزْ]

اهم المواقف اللي تمرمط فيها خليني ابداء رحلتي من اول خطوه<<وعشان تعرفون باقي الاسباب اول ماطلعت نتايج القدرات والتحصيلي انبسطت بنفسي .. كانوا صاحباتي اعلى مني في نسب الثانوية بس الحمد لله ربي اكرمي بنسب في اختبارات قياس اعلى من صاحباتي كانت سبب ان يكون موعدي اول يوم .. مبسوطة وصاحية من بدري او بالاصح مواصلة .. وراي موعد مهم.. كان موعدي من 11 الى 12 قبل ماروح كتبت خطوات التسجيل في الجوال < على بالي ان الدنيا سايبة خخخخخخ بس كلمت وحده راحت قبلي وقالت لي لا تخافي الشغلة مرتبة انتي تدخلي وهم يدلوكي على كل شئ وكمان يباركوا لك بأبتسامة << وقتها كانت من اكذب ماسمعت خخخخ طبعاَ كذبت كلامها قلت اكيد موظفات حكوميات واخلاقهم في خشمهم<ماخذه فكره سيئة لابعد الحدود لما قربنا للجامعه جاني حالة انصدامية تعجبية مبسوطية.. مو مصدقة ان الجامعه كبيره كذا لا ومرتبة وفيها ستاد وزرع وورد .. كانت اول مره اشوفها بهذا القرب< قبل ما ادخل طبعاً لما وصلت وقبل ادخل مبنى 29 كان في زحمة عن الباب قلت ياسلام اول الغيث قطرة قال الشغلة مرتبة قال ملاحظه:.كنت رايحة بملف مرتبة فية كل الاوراق المطلوبة والغير مطلوبة عشان انظم نفسي .. ومن زود الحماس حتى التحليل اللي مو مطلوب سويته قبل لاانقبل وقبل ما يقولونا لنا اش المطلوب.. فلا تتحمسون بزياده خذوا المطلوب منك بس .. نرجع لموضوعنا.. قعت واقفه استنى احد يحلف علي..قلت اجرب حظي واسأل الامن .. لكن اختكم بالله طولها فارع لا اله الا الله .. فما عانت لين دخلت وسط الحريم ولاانكتمت ولا صار فيها أي شئ .. المشكلة ادخل بعدين القى نفسى برى.. لا و اللي مسوين زحمة هما امهات طالبات يبغون يدخلون مع بناتهم.. المهم اضارب لين ادخل بس عشان اقول للأمن اني موعدي الحين.. الحمد لله كانت فكره صائبة ودخلت اول شى اخذ نفس عميييييييق وارتب الشكل خبركم ما عانيت لين دخلت .. كان المبنى حلو وهو احد اسباب اني اختار السليمانية بعدين مشينا وادخل من قاعه للثانية وحده تاخذ الصوره وحده تطابق بطاقة الاحوال مع الصوره...الخ ملاحظه مهم:.لاحد ياخذ صورة ملونة مايقبلون غير ابيض واسود<من ضمن الاشياء اللي غلط فيها مالكم في الطويلة.. يوم رحت للجهاز اللي بيطلع لك البطاقة(التسجيل الآلي)..اتذكر اني موصية صاحباتي نحط السلامة عشان اقرب لنا في الشمال وكمان عشان المطر << مرعوووبة من المطر بس اختكم في الله عجيتها السليمانية .. وكنت قبلها استخير قلت احتياط يمكن اغير رأي .. سبحان الله جات من نصيبيماكنت ادري ان السلامة ادبي فقط.. << يا راقل دنا تبهدلت رايح قاي المهم واختار السليمانية.. اول مره اخترت غلط والحرمة اللي كانت معاي قالت:. انتي اش تبغى.. وقلت لها وعدلت لي كنت بختار ادبي من الحماس .. اخر خطوه يوم انهم يعطونا حاملة البطاقة والله حبيت الحرمة هذيك لبستني هيا وباركت لي .. ورحت اخذت اوراق وخرجت بالاضافة لموعد اختبار تحديد المستوى وكنت حضيع الاوراق من الحماس اللي ضرب ذاك اليوم << الله لايبلانا ... اخرج واسوي اتصلاتي ابلغ الحبيبات يختاروا السليمانية على اساس نجتمع وابشركم ولا وحده منهم كانت معاي في أي شعبة في الخطتين رجعت والحماس شايلني << حسيت اني جامعيه هع .. لدرجة اني جلست اذاكر من النت لأختبار تحديد المستوى وليته فاد دخلت المستوى الاول .. صحيح في البداية تضايقت بس بعدين عرفت انها خيره... لاني كنت مو مره في الانقلش جلست في الاجازه على برامج لتعليم الانقلش وأفادتني ولله الحمد .. زي ما ذكرت فوق ان كنت ماخذه فكره سئي جداااااااا عن الجامعة والنظام الجامعي وانه كلة ظلم ومحد يقدر يجيب درجات او معدلات عاليه.. وكمان داخلة من المستوى الاول.. وفوق هذه كله ما عندي احد اخذ منه فكره عن الجامعة طبعاً كنت اسمع ناس يسموها السنه التعجيزية وكنت مؤمنة انها كلام فاضي ومراح استفيد منها شئ غير ضياع سنة من عمري.. ومن جد مخي مبرمج كذا ومقفل يعني مافي نقاش ... مره قلت خليني اشوف منتدى الجامعه يمكن استفيد وكنت ابغى اشوف كيف المواد اللي راح ندرسها.. اول موضوع قريته وصدمني حقيقاَ كان عنوانة ♥ || " السنه التحَضيريه " أول خٌـطوهـ نحَو تحَقـيق الأحَـلآآم|| ♥ كان الصدمة الكبرى لي .. كيف سنة تعجزيه وتحقيق الاحلام !!!!!!!!!!!!!!!!!!!!!!!!!!!! فتحت وقريتة كان هو من جد اول خطوه لي للتحقيق المستحيل اللي كنت اعتقدة تحمست وصرت اقراء اكثر واكثر واحمل الملفات اللي اعتقد انها ممكن تكون مفيدة من قبل لا ابدء عشان تكون جاهزه بمجرد اني احتاجها القاها.. يعني انا بدأت بخطة "أ" صرت اركز في معرفة موادها وملخصاتها والاشياء اللي احتاجها .. واحمل ملخصات وسلايدات واختبارات وكل شى يتعلق فيها .. ( الروابط المهم تلقوها في اخر الموضوع ) لين عرفت كل شئ عن التحضيري من اكبر شئ لأصغر فتفوتة .. من بعدها قررت اني اذا بتخذ قرار لازم اقراء عن الشئ اللي ابغاه حبيت نفسي وانا داخلة وانا عارفه كل شى في التحضيري فما انصدمت زي الباقين صرت انا المصدر الموجه للبنات لما يبغوا يسألوا عن أي شئ حتى التخصصات قريت عنها لدرجة صرت اقترح على البنات اش الشئ اللي يناسبها اذا كانت محتاره بين كذا تخصص.. واعطيهم فكره مبسطه عن التخصص اللي هي تبغاة.. وبما ان اكثر الراغبين يبغوا تخصصات طبية صرت انا المفتي العام لها ... وهذه اساس الموضوع حقي للتحضرين والتحضيريات الجدد انا هنا لاي استفسار عن التحضيري.... كذا انا عرفت كـــــــــــــــــــــــــــــــــــــــــــل شئ يفيدني و من ناس ايجابيين وناجحين واللي ساعدني انا انسانة متفائلة واجتماعية فقدرت اغير نظرتي بسرعة.. وصرت اذا ابغى اسأل اروح للبنات اللي نسبهم عاليه .. من الدفعة اللي قبل ... كذا نص الهبهبة حقتي حليتها .. نجي للنص الثاني :. اول يوم .. على اساس ماراح اداوم اول اسبوع بس الساعة 11 في الليل تقريباَ الجامعه ارسلت ان فية دوام للتحضيري .. في صباح اليوم التالي تبداء المغامره .. طبعاَ الباص ماجاء غير ع 7 ونص وانا على بالي ان المحاضرة راح تبداء 8 << ياقلبي علي على بالي في محاضرات اول يوم .... وطفشت كمان لان الخط السريع مرره زحمة يعني مستحيل اوصل بسرعة ..قلت من بدايتها خيييير نجي للباص وكالعاده برضوا ما اعرف عن نظامة شئ في الروحة مو مشكلة بس في الرجعة لحظه لحظة .. قبل الرجعة يوم وصلنا الجامعة اول شى وقف للبنات اللي في الطب لان مبانيهم منفصلة عن الباقين.. اختكم في الله مو داريه من وين المدخل اصلاَ .. سألت البنات قالوا لي في مدخل ثاني ونزلوا.. الشاهد يوم انا وصلنا للمدخل الثاني"غربية واحد" وانا جالسه البنات نازلين وانا مدري اش جاي لمخي وقتها على بالي التحضيري لهم مكان ثاني او بوابه خاصة لين وحده ماني فاكره من هي لو اعرفها بروح ابوس راسها صحيح اسلوبها ماكانش ولا بد بس سوت فيني خير .. وهي خارجه وطالعت فيني بنظره وقالت: مو انتي تحضيري(تنافخ ).. قلت: ايوه!!!! .. قالت: طيب انزلي اش تنتظري !!!!!! والله لو ما قالت كنت بجلس خخخخخخخ المهم ادخل وابداء معمعة ثانية اهم شى الورقة الصفراء اللي فيها خريطة الموقع لاتنسوها ... وكمان حست مره عاشره لين وصلت مبنى العلوم << مساكين البنات اللي يداومون اول يوم احسهم يشتغلون مرشد سياحي دخلت كلية العلوم واكيد اكيد ضعت المبنى مررره كبير وكل مادخلت من مكان اطلع من مكان ثاني غيررر تماماً عن الاول .. لين وحده طالعت فيني وسالتي : انتي تحضيري؟ .. انا انصدمت بسم الله اش عرفها .. قلت: ايوه قالت: باين عليك ضايعه.. سألتها: وانتي ؟! قالت: حتى انا تحضيري ماتشوفيني ضايعه زيك << كويس طمنتني كان على بالي بس انا خخخخخخ المهم وحده الله يجزاها خير فهمتني نظام الجدول ان.. A الدور الاول و B الدور الثاني وCالدور الثالث والحمد لله انحلت عقده القاعات والمباني والجدول .. كمان كان في شئ غريب لما كنت ادور على مبنى 12 كل ما سألت وحده تقول لي يووووه مررره بعيد روحي لسيارات القولف هي توصلك .. عقدوني لدرجة تخيلته برى شطر الطالبات .. في الاخير طلع نهاية شارع الحب يمين.. << لايروح بالكم بعيد هو اسم الشارع شبهه لكن ميزتة دايم ظل فتلقونة مليااااان بنات جالسين ع الرصيف وبين الكراسي وكل مكان فية... وكمان وملياااان آمن .. بعد اسبوع بالضبط صرت انا اوصف للبنات اسهل طريق يوصلون له للمباني اللي يسألوا عنها .. كمان سياره القولف ما كنت احبها مرره شفت واحده لفت عبايتها على الكفر و طاحت منها واغمى عليها .. ملاحظة :.اللي تركب فيها تنتبه لعبايتها عشان لاتطيح .. فعشان كذا كنت اعرف كل مكااان في شطر الطالبات .. خلص اليوم اللي ما اخذنا فية ولاحاجة..... وتعالي حوسي عشان تروح للباص خرجت من المحاضره الانقلش كانت مجرد تعريف .. 12 الا ثلث وركبت الباص 12 وربع حضره جانبي خرجت للمواقف وماكنت ادري ان في مواقف خاصة بالباصات لوحدها.. واخرج واسأل وحده قالت الباصات هناك وا رجعي مره ثانيه<< احس اني صرت مشهوره ذاك اليوم مابقى حد ماسألته خخخخخخ وصرت امشي على الرصيف اللي من جهه الجامعه من "غربية واحد" لــ"غربية اثنين" ماني لاقيه الباص التابع لحينا واكتشفت للمره العشرين في يوم الاكتشافات الرهيبة ان في جهه ثانيه توقف فيها الباصات كمان .. واخير وصلت < لا يجي في بالكم اني وصلت بسرعة .. لا دا نهاري كان اسود ومنيل .. دقيت على الشركة ودقيت على ابوي عشان يسأل السواق كم رقم الباص الموجود بعدين رحت ادور على الرقم لين وصلت بالسلامة بعدين اكتشفت نظامهم ملاحظة :.من اللحين اقلكم اسالوا عن نظام باصاتكم للبنات اللي يروحوا لاتسوي زي .. المهم ان صار عندي رد فعل عكسي .. أي وحده جديدة معانا في الباص افهمها النظام والمكان اللي يوقف فيه والوقت واشرح لها كل شئ اخاف تتبهذل او يروح عليها وتضطر تجلس ساعة كاملة .. على قولتهم كل طراق بتعلومة كذا انا حليت عقدي بنفسي وصرت فلتت زماني مرشده للنظام والمكان .. الحمد لله اش ابغى اكثر من كذا .. اقل شئ ما انضحك علي وصرت اركز على المواد المطلوبة في التخصص فقط على اساس ان الباقي مايهم.. لان كان هذا اكثر شئ يعتقدونة البنات !!!!!! بس هنا خلصت تجربي كشخص مايعرف شى في الجامعه ولا نظامها ولا المواصلات وكل الافكار السيئة عن التعليم الجامعي... الى انسان يعرف كل شـــــــــــــــــــــــــــــــــــــــــــــــــ ــــــــــئ بعد فضل ربي ♥لا أحد يرد لين اخلص ♥