بارك الله بجهودك اخوي صقر الشمال
بالنسبة لي الحمد الله رب العالمين هذا الترم كان الأخير لي بالجامعة وتخرجت بمعدل مرضي وإن كنت تمنيت ان حصلت الأفضل بطبيعة الحال
وانبه الجميع لا تتهاونون بأي مادة لان وقت التخرج تفرق الخمس الدرجات بالمعدل كثييير
طبعا انا من دفعة 09 كنت انتساب وحولت انتظام وهذا السبب في نزول معدلي انصح كل طالب
او طالبة محولين من انتساب لانتظام بالبحث عن اساتذة ممتازين للان للاسف انا وغيري انتظرناهم
يسوون لنا جداولنا وخلونا عند الاسوء بالتدريس للاسف واحنا ياغافلين لكم الله ما ندري وين الله حاطنا
الاستاذات بعضهم غير جيدات والدوام متأخر وبريكات طويلة ومباني بعيدة هذي النقطة اتمنى كل محو ل لانتظام يتذكرها
اما رد على نقاط موضوعك -
1- الصبر : طبيعة الحياة تحتم الصبر وهذا من حكم الله سبحانه وليس في الدراسة فقط
بالنسبة لي صبرت على السواقين :) وصبرت على بعض الدكتورات صراحة انظلمت لاني مثلما ذكرت دخلوني شعب استاذاتها
غير جيدات ماله داعي ذكرهم ! صبرنا على الاختبارات الصعبة وصبرنا على ترك الغش مع قدرتنا عليه :) وصبرنا على المشاوير داخل الجامعة وسط الحر ...الخ
2-الامر المالية: اذا تقصد البحث كلفني تغليف وطباعة 200 ريال و350 مساعده من واحدة كتبت لي الفصل الثاني (الاطار النظري)
وبصراحة شغلها اقل من الجيد وخسارة فيه وانصح الكل يشتغل بنفسه على البحث وبعد ان يبذل قصارى جهده يبحث عن مُساعد وإن شاء الله ما يحتاج
بايام الدراسة كلفتني مدرسة مصرية خصوصية لمواد علميه احصاء ومحاسبة ..الخ للاسف ان الاغلب منهم نصابين والقله طيبين وعندهم ضمير.
طبعا شركة النقل تكلف ثلاثة ارباع المكافأة هذا غير حبر الطابعة للملخصات والتكاليف وبعض المستلزمات الدراسية.
3- ردة الفعل من حمل بعض المواد : الحمد الله ما حملت مواد لكن كنت على شفى حفرة جبت بمواد السنة التحضيرية
مواد بالـستين واتذكر جميع الطالبات بالانتساب جابوا نفس الدرجة في مادة التحليل الكمي حتى اللي ماحلو شي!! كانت سنة حافلة بالمتغيرات !!
الملل والاحباط كنا وخصوصا اللي اخنا ترم صيفي نتطلع للراحة لانا مرهقين سنتين
ما احفيكم بعض الاحيان اشعر بملل وكسل اتمنى لو اني ما درست لكن بعد انتهاء الترم احمد الله على النتيجة اللي وصلت لها والوم نفسي ليش ما شديت حيلي !! وهكذا كل ترم :!
اكبر خدعة نقولها لانفسنا الترم الجايي بنذاكر من اوله اول أول وبعد شهر نقول بعد الدوري الاول وبعدين قبل الاختبار النهائي بشهر بعدين
اسبوع وتنتهي بالمذاكرة ليلة الاختبار ونروح ما ختمنا ولا اطلعنا على الاسئلة السابقة والملخصات وهذا اكبــــــــــــــر خطأ نقع فيه
4- أصعب موقف مر علي :موقفين صعبة
العام كان عندي اختبار 5 مواد بثلاث ايام (مادتين ومادة ومادتين)والاستاذات ماكان عندهم شعب بديلة وواحده رفضت اختبر مع شعبة اخرى
والله وفقني وذاكرت من ملخص الاخ حسان الطيار جزاه الله خير والحمد الله مشت اموري
في هذا الترم يوم مرضت جدا لدرجة كنت طريحة الفراش لمدة ثلاث ايام (مرض مفاجئ)والمشكلة كان عندي السبت 2 برزنتيشن
محدده من قبل ومرتبطة مع مجموعة والثاني لي وحدي وصعب اغيب لان بتروح علي 20 درجة في الاثنين
الله وفقني والحمد الله توفقت فيهم مع اني كنت مريضة جدااا
وموقف اغلب الطالبات مروا فيه وهو التدخل في النوايا من قبل بعض الاستاذات سامحهن الله-
5- نرحل أو نواصل ؟
بالنسبة لي اعتقد بيكون لي تواجد قليل واتمنى ان اساعد البقية لاني احزن كثير على البعض اللي وصلوا لمراحل نهائيه ويتجاهلون اللي توهم داخلين القسم ومحتارين ..
اتمنى التوفيق للجميع واشكرك.