[M!SS Lara]

المشاركة الأصلية كتبت بواسطة عبدالله2012 نووورتي لاراا بســــــ صرااحهـــــــــ مررره خذلتينيــــــــ كنت متحمســــ لردك بالذااات حلووهــــــــ الخلاصهــــ لكن بماا إنا فااضينــــ خليناا نهذذرر يعني انت كنت تذااكرين كل يووم او كل اسبووع او كل شاابتر مستنااك ياا دكتوووووووووورة وانشااء الله بإذن واحد احد تنقبلين على فكرره اذا انا عميد كليه الطب والله اقبلك بدووونـــ ماا اطاالع بالنسبهـــ>>>ابوك يالهياااط لا منجد لانك انساانه مجتهده تبي تتعلمــــــــــــ موووفقه خيتوووو

هههههههههههه ضحكتني وانا تعبآنة
أهو شوف سجلت دخول عشان أرد عليك ..

انت بالذات يبغآلك جلسه فمخليتها بعدين
شكرآ لإطرائك وكلامك .. وحأرد عليـك بهذره وقرقره ع قولتك ..

بالنسبة للدراسة فزي ماقلت لك .. لاتخلي يجي موعد الاختبارات إلا وانت فاهم المنهج!



بالنسبة لطريقتي فكانت تختلف من مادة لماده ...

انا عني ماكنت اذاكر اول بأول ..خاصة ببداية الترم مرة أفلهآ
بس لما كنآ نخلص شابتر ع طووول أذاكره كويييس واعمل خريطة ذهنية له ..وكنت أحب اذاكر بالويك اند ، اصحى الساعة 7 واطقها دراسة لـ12 !


وكنت أعمل مراجعه للمواد ابدئها مره بدري تقريبا 3 اسابيع قبل الاختبارات أعمل جدول اختم المواد وبتمهل.. يعني اليوم الي يكون عندي فيه جامعه اراجع فيه شابتر واحد فقط ، بس خميس وجمعه اراجع فيه شابترين ..

بداية الترم كنت اجلس كم اسبوع اتدلع وماافتح شئ.. بس بعدين ابدأ افتح واذاكر..
لكن الفترة الزمنية بين الدوري التاني والدوري الأول مره قصيرة ماتتجاوز الشهر وربما اقل! فغصبا عنك تذاكر يوميا لتلحق واانا كنت اذاكر اول بأول واحيانا يومي يروح بالدراسة لأنو الفترة ضيقة .. ومرات ماألحق اراجع الي ذاكرته فأراجع الشباتر الصعبة شوي..

فإذا .. مذاكرتي تختلف ، مرات يوميا ومرات بالويك اند .. على حسب المادة واذا في درس مانت فاهمه فذاكره مرتين و3 ومية مرة لحتى تفهمه ! لآآآزم مايجي الاختبار إلا انت صامم المنهج ومافي شئ مشكل عليك!


اثناء ماتذاكر للشابتر جيب ورقة واكتب كل الي مافهمته ! وبعدين روح للدكتور واشبط فيه وخليه يفهمك وهذا حقك مو ؟؟!


وأخيرآآآآآآ نصيحة ليك يااخ محمد ..

لازم تأخذ لك قدوة واحد كان تحضيري وتقلده .. مرة قرأت بكتاب انو تبغا تصير زي شخص فقلده ، تبغى تصير دافور .. صاحب الدوافير ، تبغى تكتسب صفه ، صاحب الاشخاص الي يملكون هذي الصفه!

فشوف لك واحد كان تحضيري وصار طب واسأله من فين ذاكرت؟ واطلب نصحيته ..
او انو اسأل عدة اشخاص وشوف ايش الشئ المشترك بينهم وخذه ، ! فتعلم انو تتعلم من غيرك فيد واستفيد !

في الترم التاني كنت خايفة شوي من الاحياء .. فطلبت نصحية من A . Y . J بالاحياء وماقصر ، وعملت فيها والحمدلله درجتي حلوة .. :)


النصيحة التانية ..

ببداية كل ترم بالتحضيري لاااااااازم تعرف المصادر الي حتذاكر منها كل منهج ..
خد ورقة واكتب اسم كل ماده واكتب حأذاكر فيها من ملخص الفلاني وكذآ!
اتذكر ببداية الترم التاني دآ كنت محتارة من اي مصادر اذاكر فيها ..
وتقريبا جلست اسبوع لحتى احدد المصادر لدراستي لكل مادة :)

آخر نصيحة ..
ركز بكلام دكتورك وركز على نصايحة ..لما يقولك دآ الشابتر مهم فركز عليه لانو الجامعه مو زي الثانوي ..
احيانا تأخد 4 شباتر وتلاقي نص الاختبار من شابتر والنص التاني من الصلاثة الباقيين ! والدكاتر بيقولو هالشئ دائم ..

اتذكر دكتورتي الاحصاء قالت الي تحل الاسأله بعد كل درس والله اني بنفسي اضمن لها الـ100 مو a+ بل الـ100!! وكانت تتكلم بثقه ، فوقتها ماذاكرت الاحصاء إلا من الكتاب واسألته وفعلا صدقت جبت 100 الحمدلله .. فكلام دكتورك مره مهم وركز فيه ..

طلعت كل مابجعبتي وحاسة نفسي تكلمت كثير
بس يارب نشوفك طالب طب :)
حنفرح لك كتير :)
...