[Patricia]

أهلا..

أول شي الحجر اش هو؟؟؟ منع الشخص من التصرف في أمواله إذا كان عنده خلل في عقله

لكن اللي أبي أعرفه، القضية الأولى وين المشكلة فيها واش علاقتها ي أستاذ بالحجر هو كل وحدة ما ارتاحت في بيت ولدها حطيتوا العلة بعقلها، والشرطة ما سألت الأم عن سبب رفضها الجلوس في بيت ولدها، مو يمكن ولدها كذاااااب ولا مرته وأولادها مأذينها وهو مايدري، ويين بناتها عنها حتى لو ماتبيهم أكييد لعلة فيهم، وأصلا واااضح أنه عيالها مو ذاك الزود ولا شلون يرتاح بالهم وأمهم مقضيتها في الشارع، عموما الصورة مو واضحة قدامي والأم من حقها لو ماحبت تعيش مع أي أحد من عيالها يوفرولها شقة زغيرونة وخدامة تخدمها وتونسها هي مو صغيرة يعني لا تخلطولي الحابل بالنابل عيب وحرام وعادات وتقاليد، طبعا مو من جيوبهم من مالها الي بيحجروا علييييييه طويلين العمر..

أما القضية الثااانية تحفة، الحين بيحجروا على أبوهم عشان 35 اش هذولا مو شايفين خييير، وبعدين انت تقول إنهم ناس محتاجين وعلى قد حالهم بيحجروا على ايه بالضبط، يالله من فضلك...؟؟؟؟؟؟!!!

عموما هالقضايا محلها المحاكم الشرعية يروحوا للمحكمة والقاضي يشوف إذا الشخص محجور عليه ولا لا وانتهى الأمر لأنه الإسلام يجيز الحجر في حالة المجنون والسفيه وماشابه وأنا أكيييييد مع ذلك لأنه المحجور عليه بطيشه بيضيع حق عياله وشقا عمره، أهم شي الواحد يعاملهم بالحسنى حتى لو حجر عليهم بصراحة الكبير بالعمر مثل الصغير يبغاله أحد يطول باله عليه ويداريه وهذا أقل شي نسويه لهم .

الله يعين ع الدنيا مو ربنا قال ((ومنكم من يرد إلى أرذل العمر لكي لا يعلم بعد علم شيئا إن الله عليم قدير))..

صح قبل م أختم (( الهيئة )) حاضرة بصفتها ااايه ..؟؟ موسعين نشاطاتهم ماشاءالله
المعذرة ع الإطالة..