[عذبة كالمطر]

عزيزتي فهده كلامك صح ولكن احب اعلق على شي بسسيط

السنه التحضيريه مو صعبه صعبه ولا سهله سهله المشكله تكمن في السنه التحضيريه انه بالانقلش يعني شوفي معنا بنات بالجامعه جاين من مدارس انترناشونال مدارس عالميه خلاص تعودوا على الانقلش طيب حنا شعب سعودي من دخلنا الروضه الين سادس ابتدائي بدينا ندرس انقلش ايش الظلم هذا؟ يعني الدول الاخرى يقولون عنها انها شاطره ومتفوقه وذكيه ليش لان التاسيس كان عندهم من يومهم صغار من عمر 3 سنوات مو عمر 12 نتعلم انقلش وش ذا؟
واكثر الشباب والبنات تعلموا الانقلش نقول الاكثريه وليس الكل تعلموا الانقلش من الافلام وزي كذا يعني وين دور الدوله؟
ليش مانتعلم انقلش من وحنا صغار عشان لجينا لسنه زي السنه التحضيريه ننجز ونذاكر ومانحتاج لاي احد ونجيب اعلى المعدلات وكذا نرجع لموضوعك يافهده وهو المدرس الخصوصي الي فهمته من كلامك ان البنت الي تعتمد على نفسها وتذاكر لوحده تلاقين مخها متفتح لانها قدرت تجيب المعلومه لنفسها والي تروح للمدرسه مو ماتنتج دايما لانها معتمده على مدرسه اخرى طيب وجهة نظر جميله يا اخت فهده ولكن يافهده انا اقولك على شيئ مو شرط الي جابت مدرسه خصوصيه بالتحضيري تجيب بالتخصص ياعمري مواد التخصصمو كلها بتكون بالانقلش زي التحضيري او معقده نوعا ما انا عندي وحده من صديقاتي الترم الاول ماجابت مدرسه ومعدلها كان 3.60 وهي ذكيه البنت وشاطره وتعتمدين عليها بالعكس مافي احسن منها يوم جينا الترم الثاني الاحصاء ماجابت لمدرسه خصوصيه لانها عند استاذه بطله والاحياء حفظ والانقلش هي شاطره فيه ماشاءالله لكن الكيمياء احتاجت ليه؟ اولا الماده بالانقلش ومعلوماتها كثيره والي تدرسها شرحها مو حلو اضطرت تروح لمدرسه خصوصيه تشرح لها وبالعكس مدرستها بببببطله ونص البنات عندها جابت بالدوريات 30 30 وبالنهائي جابت 37 يعني جابت 97 وكانت تعطيها ملخصات وكان صديقتي ماتبخل علينا فيها تعطينا من الملخصات واستفدنا منها حتى حنا عااااادي ايش فيها لو شافت نفسها متعثره بماده ماتروح لمدرسه خصوصيه تقعد تضيع وقت عشان منطق يقول لها لازم انتي من نفسك تعتمدين طيب هو طلب علم وانا بروح للمدرسه تساعدني بطلب العلم هذا لازم افيد نفسي ما اصير غبيه وانا مستواي بالماده مو قد كذا واقول لا ماراح اروح ايذا عندي امكانيه ومقدر والماده ذي بتنزل معدلي لا بروح وخاصه انها تحضيري ومحتاجه ادخل تخصص يناسبني لازم ارفع معدلي ماراح اسكت بروح لمدرسه خصوصيه عشان ارفع معدلي لازم افكر بنفسي لان العقليات تختلف يافهده مو كلنا نفس الشيئ الي تفهم الرياضيات وتحبه في غيرها تكرهه وتشوفه ابليس ومانكر في بنات عند استاذات بالجامعه كويسات ومدرسات خصوصيات كمان ومايذاكرون وماينتجون ذولي فئه خاصه لكن انا مع الي تبي تنفع نفسها احب اقول لبنات دفعه 13 ايذا شفتي نفسك متعثر بماده وحسيتي فهمها صعب عليتس من بعد الدوري الثاني شفتي درجتك تحت 20 اسئلي عن افضل مدرسه خصوصيه روحي لها وانتبببببهي مع شرحها وحلي اسئله وكمان انتبهي لشرح استاذتك ومو عيب ولاحرام لكن ايذا كنتي فاهمه الماده وتستعبطين اقولتس اجلسي مكانك وتعوذي من الشيطان

ومشكوووره فهده واسفه على الاطاله ولاتزعلين من كلامي