[مشوار طويل]

المشاركة الأصلية كتبت بواسطة كـاسبـ..ر الٍسلام عليكم و رحمــة الله و بركاته انــا طالبه في قســم التطوير و التنظيــم الإداري مستــوى 5 لما سجلت في الجامعه قالولي مافي غير انتساب سجلي و جيبي مجموع و نحن ننقلك قلت اوكي مو مشكله فرقت ع ترم و درست الترم الأول جيبت 4.95 ورحت قلت لهم انا معدلي فوق المعدل المطلوب و ابغى احول انتظام قالولي ماينفع من ترم واحد لازم تكملي السنه شدي حيلك و جيبي 5 و نحن ع طول نحولك ...قلت يابنت اصبري ترم و يعدي و ماكذبت خبر قطعت ابو الكتاب و جيبت 5 و رحت لهم قالو مافي اتحطمت و قعدت قدام مكتب الدكتوره 8 إلى 12 و شفت النجوم قدامي حسيت بدوار حر و زحمه و كأننا قدام مخبز و البنات يتزاحمو و لاما جاى دوري كنت اتفرج عليها حولت بنت قدام عيني 3.50 و انا إلي انحولت من المذاكره ماعجبتها درست المستوى الثالث انتساب و انا لسا مايأست من التحويل و قلت يمكن بعد التخصص يغريهم المعدل و جيبت 4.97 و برضوه ماوافقو قرفت من نفسي و كرهت شي اسمو انتظام و قلت و الله لو يجيني الإنتظام يحبي اقلو انقلع ما ابغاك .. بس استاذاتي و صحباتي كلهم قالوا حرام مفروض ماتسكتي على نفسك و وحده من الإستاذات قالت لي مارح تقدري تستفيدي من بعثات الجامعه و لا تصيري معيده لازم تحولي انتظام وحده من زميلاتي شارت علي احول تعليم عن بعد بس صراحه انا اخاف يكون مو بكيفي اختار الإستاذات .. ياريت تنصحوني و تقولولي ايش افضل انتساب و لا تعليم عن بعد و آسفـــــــــــــــــــــــــــــــــــــــــــــــ ـــــــــــــــــــــــــــــــه ع الإطاله بس هذي الجامعه احبطتني

اهلين يا اختي

سوي قص ولصف للكلام الي حاطين بموقعه والشروط

اكمال ستين ساعه والشروط الباقيه .... وارسليها على جريده عكاظ واشرحي معناتك
ونسخه من الافاده بمعدلك

او حاولي تتواصلين مع عميد القبول والتسجيل

او اوصيك بالدكتور عبدالفتاح مشاط كلهم يمدحونه راح يتعاون معاك كلميه جوال

وإن شاء الله تتيسر