السلام عليكم ورحمة الله وبركاته
أخباركم شباب
1- ناوي أدخل طب بس محتار بين الطب البشري وطب الأسنان ووش الفرق بينها ووش الأفضل وسمعت إن العيون والأسنان هي أكثر تخصصين مربحة ؟
ياحرام هذا همك؟الطب مهنة انسانية اكثر من انها وسيلة لتحصيل الماال..هذي مهنة شريفة وعظيمة...
2- وش الأفضل جامعة الملك سعود أو جامعة الدمام أو جامعة الملك سعود للعلوم الصحية ( التابعة للحرس الوطني أتوقع ) أو جامعة الملك عبد العزيز مع ذكر السبب وفيه جامعة أحسن منها ؟
الافضل جامعة الملك سعود بالرياض....وجامعة الملك عبدالعزيز >>>حالياً هي الافضل
3- بالنسبة للمكافئة هي ألف ريال يقولون صارت 2500 الكلام ذا صحيح
ماادري ........ابي ادخل طب وبس
4- كم سنة يبغالي بعد ما أصير طبيب مقيم عشان أصير أخصائي والأفضل آخذها من الخارج صح ؟
<مقيم>اسمه البورد ...اذا كان جراحة مدته 6 سنوات.........اما طب عاادي 4 سنوات...عشان تصير اخصائي... ايوه الخارج افضل<كندا>
5- كم سنة يبغالي أصير استشاري والأفضل آخذها من الخارج وهل فيه شيء بعد الاستشاري ؟
لازم تاخذ الزمالة الطبية مدتها سنتين عشان تصير استشاري
6- سمعت إن راتب الطبيب المقيم يبدأ من 12 ألف والأخصائي 25 ألف والاستشاري 35 ألف الكلام هذا صحيح وكم متوسط الراتب للمقيم والأخصائي والاستشاري ؟
ماادري......
7- كيف طريقة العمل والمناوبات وأتعين في المكان اللي أبيه ؟
لحظة اناعندي موضوع عن هذي الاشياء احاول انزلك اياه بس ان شاء الله القاه ..
8- سمعت عن شيء اسمه md وشيء اسمه mbbs وش سالفتها ؟
علمي علمك
9- كيف دراسة الطب وهل هي صعبة وكم متوسط معدل نسب اللي يتخرجون منه ؟
باقي مادرسته.....
10- تنصحوني أدخل طب مع العلم أحب الأحياء وأكره الرياضيات والفيزياء ؟
اولاً ..انك تشاور الناس نك تدخل هالتخصص اوغيره هذي الطريقة انا مااحبها ..صدقني بتضيع نفسك لو سمعت كلام الناس المهم انت وش تبي ؟؟وش هوالمكان اللي انت راح تبدع فيه ؟
تحب الاياء وتكره الفيزياء والرياضيات ؟؟
انا كمان نفس الحالة !!!!!لكن انا مررررررررره مقتنعة بالطب ومابغى اتخصص غير طب...
11- كيف السنة التحضيرية ويقولون أصعب شيء هي وكم لازم أجيب نسبة عشان أدخل طب ؟
بالنسبة لي.... المناهج سهلة<نفس دروس الثانوي لكن باللغة الانجليزية> لكن في الاختبارات يستهبلون يجيبون اسئلة تعجيزية ...روح لملتقى السنة التحضيرية المسار العلمي راح تلقى موضوع عن هالشي بالتفصيل ... النسبة الموزونة لازم 85
وقارنت بين الطب من ناحية المميزات والعيوب
بالنسبة للمميزات ( ممتع إنك تتعلم شيء في جسمك + مكانة اجتماعية + مغري ماديا )
فعلاً انا معااااك انه ممتع ومفيد...بس الباقيات ماتهمني ...<لاتحطها ببالك ولا صدقني بتضيع مستقبلك>
عيوبه ( دراسته طويلة وصعبة + مدري عن طبيعة العمل ممكن تفيدوني )
اذا دخلت الطب معناها دراسة طووول العمر وهذا شي تؤجر عليه من عند الله سبحانه.. وهذا ابدأ مو عيب في وجهة نظري ...
ام العمل والله باقي مااشتغلت....
وش رأيكم ؟
وشكرا لكم واعذروني إذا كانت الأسئلة مستهلكة أو مكررة وشكرا لكم
انت لازم تعذرني لاني داخلة عرض ورديت عليك <لقافة>
....بس ان شاء الله بكون من اعضاء هالمنتدى السنة القادم بإذن الله....
وأتمنى أكون حطيت الموضوع بالقسم المناسب