والله يا طويلة العمر إذا هي إنسانة بـ شخصية مهزوزة
و ما عندها القدرة على إنها تثبت نفسها
و تخلي من هب ودب يأثر على قرارات مصيرية مثلها مثل الزواج
فـ ذي مع احترامي لها يبي لها على قولة فيصل إعادة هيكلة
الواحد منا عنده عقل يفكر به .. وعنده القدرة يحدد الزين من الشين و يعرف الصح من الغلط ..
إيه فيه واجد أمور الأهل يحطونها بـ ذمة الزووج .. بس ميب أمور تخليني أعلق نفسي بـ الزواج
على سبيل المثال اللي أهلها يقوولون لها ما تقصين شعرك لين تعرسين ..
يعني بـ الله بـ الله بـ الله أدور الزواج على شان أقص شعري !!
أحاول في أهلي إن رضوا كان بها و إن ما رضوا فـ قصة الشعر ميب أساسية و لا هي من ضروريات الحياة لو ما قصيت شعري بـ أموت يعني !!
حنا ما حنا بـ إمعات و لا حنا بهايم ننساق من نحورنا ..
حنا كيانات منفصلة لها حريتها و شخصها و ذاتها ..
موجودة بـ وجود زوج ولا بلياه !!