[coOola]

المشاركة الأصلية كتبت بواسطة الـبيــــــان اهلا كولا ,, وربي ضحكتيني ما كأننا مخلصين ثقافة 3 قريب ما نقول شئ خلي المرأة تعمل ويصير لها اهداف ان شاء الله توصل المريخ,, بس ما تنسى هدفها الأساسي بالحياة ,, يعني مثلا وحدة تدرس أو زي كولتي العزيزة ما عندها استعداد للمسؤلية وجاها الزوج الصالح ,, اللي ترضون دينه وخلقه ,, نقولة معليش الأهلية ما اكتملت ,, وهذا مو ضرورة ان البنت تصير مشفوحة ع الزواج ,, وتصير مصرووعة عند اي احد يدق الباب ,, ولا أنها تسد باب الزواج لاتفه الاسباب ,, واعذرني ع الاطالة ,, ماني من متابعين هذا القسم بس متابعة لمدونتك الجميلة

أهلييين بيووونة ..

خلصناه و انحشيت عليه لين طفشت لا تجين تكملين معاهم

حبيبي أنا ما أتكلم عن بنت عندها أحلامها .. و تبي على أحلامها إنها تتزوج ..

أنا أتكلم عن وحدة أول همها + آخر همها الزواج و السخافات من موضات و خلافه !!

يعني مخها فاضي .. و شخصيتها جوفاء .. لا ثقافة .. لا علم .. لا هدف .. لا طموح .. و لا حتى تراب !!

ما صارت .. بكرة تتزوج وتربي لي جيل سخيف بـ سخافتها و أكثر


كمان الأسباب اللي ذكرتها لـتركي أسباب تخصني

يعني ما أبي أعرس لـ ذيك الاسباب و فيه غيرها واجد بس ما قلتها أعرف تركي و أعرف نقاشاته

بس على قولتك لو تقدم لها من ترضى خلقه ة دينه تستخير وربي يقدم لها اللي فيه الخير!!

يا يصير نصيب يا ما يصير

و في كلا الحالتين ذي خيرة ربي..



,,

أما من متابعي مدونتي

عز الله إني بـ ألقط وجهي من آخر الشارع

منورة الموضوع و المدونة و استري ما واجهتي

المشاركة الأصلية كتبت بواسطة مصره على قراري ياحبكم لشطحات وقسم انكم ماتتحملون موضوع بدون شطحه كولا بما انك من مؤيدي الهياط والجمل الرنانه نخيتك لا تقلبين الموضوع شات لاني صغنونه واقفال سكاو ثقيله علي فلا تخليني اطلب فزعة الكنق في ذالك ^_^ لي عوده لتعليق تحياتي

يا للهووووول !!

من ذا الذي يشطح

محد شطح الله يهديك .. و حياك أنتِ والكنق مدري البرنس و دارس معكم ..

البيت بيتكم و الماضوع ماضوعكم ..

و نحتريس أنتِ وعودتس

..

المشاركة الأصلية كتبت بواسطة shaden يسعدلي صباحكم اولا موضوعك جميل وفعلا فكرة لابد وأ ن تناقش بس ليش حاطة لومك بس على البنت الي صار عمرها 25 ولسى ما اتزوجت ؟؟؟؟ مافكرتي بالبيئة الاجتماعية السعودية ونظرتهم ابتدء من الاهل وانتهاء بالرجل عندنا في المجتمع بعض العائلات أول ماتخلص بنتهم الجامعة اول فكرة تنحط وقبل الوظيفة الزواج ثم الزواج ثم الزواج للبنت وتبدأ الأمهات يضعن في رؤوسهن بعض الافكار التقليدية تحت شعار شوفوا بنتي المهم لازم تعرفي عزيزتي انه الأهل وطبيعة النظرة للفتاة الي عدت 25 ولسى ماجا نصيبها تظل نظرة قاسية وكأنه الموضوع في يدها ننسى قضية النصيب وننسى قضية عسى أن تكرهوا شي وننسى كل تأخيرة وفيها خيرة يعني لوأتكلمنا من جهة نفسية كل شي وله دافع وبحث البنت عن الزواج دافع المجتمع والأهل ومن جهة اجتماعية خوفا من نظرة المتأخرات عن الزواج ونظرة المجتمع خصوصا للبعض الي خلاص زوجت كل بناتها والله اعلم عن حياة بناتها كيف أهم شي زوجتكم وتكون البنت في تعاااااسة والعياذبالله بس اهم شي الشعار امام الناس انك اتزوجتي وتبدأ تلتفت على بنات النااااااااس دي اتزوجت دي ما اتزوجت دي مطلقة وووووو ومن جهة دينية مو عيب وبالعكس الزواج ولا أشياء أخرى دا حلال ومن وجهة نظري ..... انا أشوف انه الفترة الي نعيشها الان في مجتمعنا والانفتاح ولله الحمد الثقافي وتقبل وجود المرأة في مجالات متعددة يجعلني اقول يابنات خلوا الزواج اخر اهتمامتكم الوظيفة والعلم والدراسات العليا وبصمتك في مجتمعك باسمك وفكرك الايجابي دا اهم من كل شي ودي الان سياستي ولله الحمد الف شكر

أهلين .. يسعد لي كل أوقاتك

حبيبي .. الزواج مو كل شيء و لا وقفت الدنيا عليه !!

صحيح فيه أهل الله يهديهم .. بس أقل شيء تحاول تعزز موقفها ..موب مع الخيل يا شقرا !!


العفووو و منورة ^,^

المشاركة الأصلية كتبت بواسطة a.r.s كيف تكمل المرأة حياتها بدون زوج !! الأم و الأب ماهم دايمين لها والأخوان بيتزوجو تجلس عند مين الرجال يتزوج لو عمره خمسين مايضره لكن المرأة اذا وصلت 35 صعب تتزوج

إذا ربي ما راد لها تتزوج بـ تكمل حياتها !!

الله أكبر .. أخوي الحين يتزوج و يسسحب علي !!

الله و الأخوو الكفوو !!

هذي يبي لها موضوع جديد ونقاش ثاني .. أخو يتزوج و يسحب على أخته ..

أجل لو الضعيفة يتيمة وش كان سسوا فيها !!

اللهم لك الحمد على نعمِك التي لا تعد و لا تحصصى !!