[dr.ro0ody]

كلام نظري , اي واحد يقدر يكتبه اعطينا دليلك وجيبي لنا الجدول حق السنه الماضيه للاولاد وللبنات وبعدها نتناقش . اما كلام بدون دليل فهو مردود عليك حقيقه

طبعا اكيد من حقك تطلب دليل واضح
جبت جداول التسكين لدفعه10+11 للاولاد
والبنات للاسف ماعندي الا جدول 10 + 11

نبدا باقرب دفعه طبعا دفعه 11
لو تشوف كليه الطب للاولاد كان اقل شي 83.34 ولاكن البنات اقل شي للطب كان 93.57
ماتلاحظ الفرق كبير __ طيب نقول لان هذا طب موازي عشان كدا وقف عندكم على 83 اوكي
والطب الموازي للبنات وقف على91.26
هادا الشي بيدل على ايش ؟؟؟

نتكلم كمان عن كليه العلوم الطبيه التطبيقية اللي كتير من البنات يبغوها وقفت عند الاولاء على موزون 75.81 يعني تقدير جيد وهادي النسبه حتى اللي مايزاكر في التحضيري يجيبها بالرااااااااااااحة __ ولاكن البنات اقل نسبة كانت 90.30 يعني تقريبا ممتاز !!!! وهادي النسبة معليش مو اي احد بيجيبها في التحضيري
الفرق بيينا 15 % هادا الشي كمان بيدل على ايش؟

كلية الصيدلة كمان عند الطلاب اقل موزون 80 والبنات كمان 90 والفرق بيينا 10 % كمان هادا الشي بيدل على ايش ؟؟


وبالنسبه للحاسب لخبطت بينوا وبين الادارة والاقتصاد بعتذر
لانه كمان الادارة والاقتصاد للطلاب 65% هادي معليش اتوقع اللي ناجح في كل المواد ب 60 حتى في الحاسب ومهارات الاتصال ولانجلش 60 كمان يدخلها بالراحه
ولاكن البنات 79 !! برضوا بيننا 15 % !!!
برضوا بيدل على ايش كمان ؟؟


وكليه الحاسبات كمان للبنات فرعين وقفت السليمانية على 86 وهادي النسبه ازا كنت ولد وجبتها تدخل طب مو حاسب !! والفيصليه 82 !! والاولاد 75 !!!


اللي ابغا اوصلوا انه البنت ازا جابت موزون في التحضيري اقل من 79 خلاص تقفل في وجهها كل الكليات مااباقي قدامها الا كليه العلوم بسسس !!
ولاكن الولد لو جاب 75 يقدر يدخل حاسب + ادارة واقتصاد + علوم طبيه

هادا اكبر دليل انه ماشاءالله 90% من البنات شادين حيلهم ومعدلاتهم عاليه
عكس الاولاد
وهادا االرابط عشان تتاكد من كلامي عند جدول 11 للبنات والاولاد
http://www.skaau.com/vb/showthread.php?t=422282


نجي لدفعه 10
كمان كليه الطب للبنات 92 اقل شي والاولاد 89 !
وطب الاسنان البنات 93.88 يعني تقريبا 94 والاولاد 84 ! يعني 9% فرق بيينا
والصيدله الاولاد 79 والبنات 89 كمان بيننا 10 نسب
( يعني تقريبا بين 10 نسب درجات مررررررة كتير تكون نازلة )
وكليه العلوم الطبية الاولاد 78والبنات 89 و11 نسبة كمان بيننا
والحاسب الفرع الرئيسي الاولاد 72 والبنات 83
وهادا الرابط

http://www.skaau.com/vb/showthread.php?t=369065
هادا كلوا بيدل على ايش بالضبط ؟؟ ومعروف اخوي اسال في اي مكان معروف مستوى الاولاد جدا جدا جدا واطي عند مستوى البنات
والله هوا مو حقد ولاحاجه بس عشان اوضح الفرق بين المستويات


واسفه اخويا ازا غلطت في حاجه