الصبح ما هو طلعت الشمس للكون
واليوم ما هو يوم لو مر دونك ..
تدري لو أن الأمر بيدي وش يكون
أعلن صباح الناس : طلة عيونك ..
يعني بخلي هالزمن شبة مجنون ..
يشبه جنونه يا حبيبي جنونك ..
أن جيت صار الكون شاكر وممنون
وان غبت نسمات الصبح يحترونك ..
خل الخلايق كلهم بس يدرون ..
انك في قلبي ما قدروا يبعدونك ..
تبقى وقلبي باقي معك مرهون ..
أعرف عيوني بالرضا يرهنونك ..
ما تشغلك عني تفاهات وظنون ..
ولا يغرك لو بغوا يعشـــــــقونك ..
أغرب شعور .. انك لهالقلب مضمون ..
وأنا ارتبك لما تقل لي : شلونك ؟؟
حبك فنون جنون وجنونك فنون
أنا أعرفك والبشر يجـــــــهلونك ..
وشلون قلبي يقدر يخون وشلون؟؟
وشلون اخونك والمشاعر يبونك؟؟
فهـــد المســـــآعد