رد: السبب الرئيسي لاكمال الدراسة بنظام الانتساب ارجو مشاركتك
حلو الموضوع
انا حقيقه كانت نفسيتي جدددددداً سيئه وكارها كل شي في الدنيا
السبب باختصار لأني ما دخلت علمي ودخلت ادبي وسمعت كلام اللي سنه ثاني وثالث ثنوي انو العلمي مره صعب وانو تراكمي مع ان درجاتي في العلمي مره مرتفعه دايما ممتاز وما تقل عن 28 من 30 وفي المواد الادبيه العكس تماما درجاتي كلها 20 -17 من 30
فصدقت كلامهم ودخلت ادبي وما استوعبت غير لما وصلت ثالث ثنوي نسبتي كانت في السبعين
درجات القدرات والتحصيلي كانت حلوه حتى نسبتي كلها على بعضها كانت حلوه و في البدايه ما قبلوني في جده وقبلوني في باقي الفروع وكمان انقبلت في ام القرى
وبعدين في جده بدأو ينزلو النسب حبه حبه وصلو لنسبتي بس وقتها كنت كارهه كل شي مررررره ولا راجعت الجامعه ولا شي
واهلي كانو يحاولو يقنعوني اني ادخل انتساب وانا مره مو راضيه قلت اصلا ما بكمل دراستي
وبعدين قالو طيب بكيفك السنه الجايه قدمي انتظام
بعدين عصبت قلت ايش اضيع سنه من عمري وانا في البيت لا والله هذا اللي باقي ومسكت اللاب وكان اخر يوم في التقديم حق الانتساب وسجلت الحمدلله
بس اصلا وقتها النفسيه كانت عدم اصلا مجرد ما احد يجلس جمبي على طول انفجر بكا من غير سبب
اخخخخخخخخخخخ
بس حمدت ربي اني انتساب مو انتظام
لأنو والله مساكين يجرو تحت الشمس يومهم كلو
|