والله سالفة الأخلاق دي طلعت فقاعة صابونية..
احنا ما طالبناها تستقبلنا بالأحضان ولا تبتسم في وجهنا, بالعكس أول مرة اشوف دكتورة تطرد البنات من مكتبها وتقول " انتهى الوقت " .. قاعدين مع الملك عبدالله على غفلة ..
ولا حكاية التأخير اللي تحسبها غياب ومزاجيتها في تحضير البنات, لو هي انسانة عارفة ايش تبغى ولها نظام معين تمشي عليه, حنقول سمعًا وطاعةً وبالعكس حنحترمها, لكن لمن تكون متلونة وشخصيتها مهزوزة, ما اعتقد اننا مستعدين نجني ثمار اضطراباتها النفسية ..
وسالفة النسخ احنا اخذنا كلام من النت موثق يعني بالنهاية عملنا فهرس بطريقة هارفرد اللي هي طلبتها وفي كلام اضافي جبناه من عندنا يعني ايش تبغى اكثر من كدا ..
وكل ما نسألها عم شيء تقول ايوة عادي ابحثوا في النت , وأساسا هالمادة مبادئ النظم يعني شيء طبيعي الطالبات يكونوا مو مستوعبين الموضوع ومحتاجين مصادر ثانية للمعلومة زي النت ..