[الملاك الأبيض]

السلام عليكم ورحمة الله

مرحبا بنات .. عزيزاتي بالنسبة لمادة الرايتينق للطالبات اعرفو انو طريقتها مختلفة عن اختبار الطلاب . نحنا فقط مطلوب مننا الهاندز اوت وانو نفهم انواع المقالات وعلى ماافتكر كان عندنا 3 انواع من المقالات اوبنين + مقال مقارنة +مقال كوووز وايفيكت >>ماادري منهجكم تغير ولا لا بالنسبة للمستوى الثالث .. بس على العموم المطلوب منكم في الاختبار هو فقط كتابة مقال من خمس بارغرافات . طبعا تجيب لكم موضوعين من نوعين مختلفة مثلا واحد موضوع مقارنة والثاني عن الكوز والايفيكت وتقول اختاري واحد واكتبي عنه .

المقال لازم يتكون من 5 بارغرافات
انترودكشن
3 بارغرافات بودي في كل بودي فكرة معينة تناقشيها وتركزي عليها مع امثلة او احصاءات لدعمها
واخر شي الكونكلوجن او الخاتمة

المواضيع الي جت على ايامي والبنات الي اختبروا بعدي كانت معظمها عن الاطفال وطرق التربية وكمان التكنولوجيا .مثلا :
اكتبي عن تأثير التلفاز على الاطفال >>كووز وايفيكت >>مجرد مثال
اكتبي عن رأيك هل يصح ان يقتني الاطفال موبايل ام لا
مقال رأي عن هل تربية الاطفال بالضرب امر صحيح ؟
بعدين عندك مقالات عن الاكل والمأكولات السريعه ممكن تيجي برضو مثلا قارني بين كافتيريا الجامعه ومطاعم الخارجية
واحيانا يجيبو عن مقالات خاصة بالتعليم بس هذي قليل يجيبو منها .
او قارني بين حياة المدينة والريف جاني هذا المقال في مستوى ثالث

هذي بعض الامثلة ولكن السنة الي فاتت اذكر البنات جاهم معظمه عن الاطفال وتاثير التكنولوجيا عليهم على العموم حاولو تتدربو انو تكتبو مقال واحد على الاقل عن هذي المواضيع عشان تجمعو افكار لوقت الاختبار . وصدقوني لاتسمعو لكلام البنات انو المادة صعبة بالعكس مواد التخصص الاولى من امتع المواد وكثرها فائدة لنا كطلاب انقلش وهذا من وجهة نظري المتواضعة . بس بجد تدربو على الكتابة انو تكتبو كم مقال لانو هذي المادة فقط تحتاج لتدريب وصقل مهارتكم في الكتابة وعندها راح تكتبو جرائد وليس فقط مقالات ..

موفقين ياارب