[S.Bn]

المشاركة الأصلية كتبت بواسطة سملّق :) ياشباب مكبرين السالفة أكبر من حجمها تراه أحياء لا راح ولا جاء ،، انبسطوا + عيشوا اللحظة سارة + اس بي ان + ماريا : الدنيا ماتستاهل لحظة أكتئاب واحدة ، لانها كلها اصلاً على بعضها ماتسوى ( جناح بعوضة ) عيشي اللحظة + استمتعي بالحياة + عيشي كل يوم كـ أخر يوم لك في حياتك ( ماتضمنين تعيشي الى بكرة )! انا في قمة استمتاعي وفلتي وعندي بكرة أختبار .. وماني مذاكر تمام !! وشايل همه بس مو لـ درجة اني اكتئب او ( أتعب في روحي ) بسبب درجة او مستقبل دنيوي !! خلو شعاركم ( اللي يجي من الله حياه الله ) + ( أعيش يومي واستمتع بما خلقه الله لي ) ما اقول لا تعملوا اقول لا تكبروا المواضيع عشان لا تتحول الى كوابيس مفزعة في حياتكم تنغص عليكم عيشكم كلما تذكرتموها ! الانسان يكتئب خلال لحظة واحدة فقط .. ولكنه يكرر هذه اللحضة الى ان يموت ويفرح في لحظة واحده فقط .. ولكن سرعان ماينسى هذا الفرح بتذكر ماجرى له عندما أكتئب !! ويبقى عايش في لحظات متتالية من التعب والارهاق والتفكير والأكتئاب والتشاؤم ،،،، الى كل من يشكي التعب الروحي واالإكتئاب ابوك حي ؟ امك حية ؟؟ وين عايش ؟؟ صحتك حلوة ؟؟ مصدر دخلك يكفيك ؟ عندك أخوان ؟؟ عندك أخوات ؟؟ خلق الله لك نظر خلق الله لك أطراف خلق الله لك سمع خلق الله لك عقل سليم خلق الله لك قلب والأهم من هذا ( خلقك الله مسلم ) ،،، بالله بعد كل هذا تكتئب ؟ وعلى ايش ؟؟ على شيء مايسوى زي الاحياء !! بالله بعد هذا تبكي ؟؟ على ايش ؟ وش الشيء اللي يستحق يبّكي ؟ الاحياء ؟؟ هل حياتك تهمك الى هالدرجة ؟؟ هل انت خايف بكرة ماتلاقي لقمة عيشك ؟؟ ( ترى نحنا في السعودية ) هل انت خايف دنيا تقلب عليك يوم من الايام ؟؟ هل كل هذا حرص على المستقبل ؟؟ اللي انت مانت ضامن تعيش الى بكرة !! لن يصيبنا الا ماكتبه الله لنـا النجاح شيء رائع وحلو .. ولكن النجاح براســه لا يساوي ( استمتاع يوم بالحياة ) تخيلي انتي انسانه ناجحة .. في مجال عملك .. وتعتبرين قدوة .. ونجاحاتك الكل يتغنى بها ولك مصدر دخل طيب وتسوين اللي تبينه بس ابوك ( لا سمح الله ) ميت !! هل يسوى كل هذا النجاح وفاة ابوك ؟!! بالتأكيد لا .. الحياة ماراح تبقى زي ماهي يا جماعة ... الحياة تمشي وتستمر اذا ماعشتها لحظة لحظة ( بتروح عليك ) بكرة تتذكرين هالايام وانتي عجوز ( اذ الله كتب لك عمر ) تقولين ضيعت شبابي بين الكتب !! ضيعت شبابي أدور النجاح .. أدور مستقبل .. أدور تميز ! ضيعت عمري من أكتئاب الى تعب الى تفكير الى وسوسة الى هواجيس الى حززن ! عمر الشباب ماراح يتعوض .. انصحكم وفروا الاكتئاب لمرحلة الشيخوخة ــــــــ بالنسبة لي والله العضيم اني الضحكة شاقة وجهي وانا داخل الاختبار ( يعنني اللي بحرق ام الورقة ) المشكلة ماعندي سالفة وياليتني ضمنت خمس اسئلة على بعضها بس برضوا ليه اضيع على نفسي لحظات حلوة في الحياة !! بالعكس افلها واعيش حياتي كل يوم بيومه .. واللي كاتبه الله بيجيني اجتهد واعمل وأخذ بالاسباب ولكن لا اكتئب ،، لا احزن ( على شيء مايسوى )* .. لا اضيع فرصة العمر وزهرة الشباب تروح بين الكتب والوسوسة والتفكير اتمنى تكون رسالتي وصلت ، للجميع وخااااصــــــة ( الثلاثي المرح ) اللي مكتئبين اربع وعشرين ساعة ومقطعين انفسهم ويسوون من الحبة قبّـة الدنيا ماتستاهل نضيعها على انفسنا :))

شكرا سملق كلماتك روعة

و جات بوقتها

الله يسهل عليك الاحصاء و ان شاء الله الفل و انت مغمض

و بالتوفيق يا رب