[بنوته لزوزة]

ولايهمك الرنين موضوعو بسيط ومايحتاج قلق
اول شي لازم تعرفي سبب حدوث اشكال الرنين هادي
الي هوا لما تكون عدد الروابط اكتر من الذرات حول الذرة المركزية والي يسير اننا نوزع الروابط الزايدة بطريقة التباديل ودي الحركة الي نعملهاهيا الي تسببلنا في ظهور اشكال الرنين
بمعنى ابسط انو اشكال الرنين هيا اكتر من صورة لنفس التوزيع

بعض الاحيان تكون الاشكال متساوية في الطاقة واحيانا تكون مختلفة وعشان احدد ايش الشكل الاكثر استقرار " الي هوا الاقل طاقة " لازم اجيب الfc لكل ذرة ..
Fc=(رقم المجموعة -(عدد الروابط+الالكترونات الغير رابطة))

وفي خطوات تمشي عليها عشان تحددي الاكتر استقرار :
1- الشكل الي تكون فيه الfc لجميع الذرات صفر هوا الاكثر استقرارا
2- اي شكل تكون فيه الfc اكبر من +1 او اقل من -1 نستبعده ويعتبر الاقل استقرارا
3- اذا كان في شكل رنين وفيه الfc السالبة على ذرتين مختلفتين حاختار الشكل الي تكون فيه الfc السالببة على الذرة ذات السالبية الكهربائية العالية

ولا تنسي انو السالبية الكهربائية تزيد في الدورة من اليسار لليمين وتقل في المجموعة من فوف لتحت ..

ان شاءالله تكوني فهمتي عليا :)