[نسيم الجوري]

انصحك بالاستخارة اول شي ..
يمكن تبي الطب لكن الطب ما يبيك ض1
في ناس تدخل الطب عشان مستقبله وبس وما يهمها ميولها ورغبتها ..
وبعدين ياكلوها على راسهم ويحولون لقسم ثاني .. لان يبيله شدة حيل ومذاكره اول باول ..

الموهم بصراحه معدلك حلو .. واحس حرام تعيد سنه ..
لكن اذا انت مقتنع بالطب وتبي تدرسه استخير ..
بس ع فكرة لازم تعيد السنة التحضيرية من جديد .. يعني اجراءاتك اتوقع انك تسحب ملفك من جامعة الملك سعود وتقدم من جديد في جامعة الملك عبدالعزيز .. ماظن في معادلة للمواد .. والله اعلم ..

بالنسبة لصعوبة المواد من سهولتها تختلف من شخص للثاني
فيه ناس تفهم من ملخصات وفيه ناس ما تفهم الا بمدرسين :/
+ بصراحه هالسنه يبيلها شدة حييييل .. يبي لها احد يذاكر قبل الاختبارات بفتره ..
لو جيت قبل الاختبار بيومين بتطير عليك الدرجات ..

مواد التحضيري تنقسم لخطتين ..
خطة أ .. فيزياء - رياضيات - مهارات اتصال - حاسب ..
خطة ب .. كيمياء .. احياء .. احصاء ..

اما الانقليزي تختبر تحديد مستوى .. كل مستوى تدرس ترمين ..
لو بديت من 1 .. تدرس 1 و 2 الترم الاول و 3 و 4 الترم الثاني ..
لو بديت من 2 .. تدرس 2 و 3 الترم الاول .. و 4 الترم الثاني .. ونهاية الترم تصير فاضي ما عندك انقليزي وهكذا ..

بالنسبة للايلتس يعادلون لك الانقليزي فيه لكن يشترطون درجه معينه .. واهم شي بصراحه تعادل الانقليزي لان ساعاته مملة وغثاء .. 18 ساعة اسبوعيا ..

وبس باقي الاستفسارات ان شاء الله الشباب م يقصرون ..