[حلاي من حلى روحي]

المشاركة الأصلية كتبت بواسطة حربية مـشـكـورييييييين على الموضوع ^^ شوروا علي : أختي عمرها 15 سنة ،، أعرف من حكاويها انو الإعجاب بين البنات في مدرستها ـ المتوسطة ـ منتشر .. و أنا لمن أمر عليها عشان آخذها أحصل البنات أحضاان و بوسات كله عشانها رايحة ـ طيب بكرة ما رح تشوفينها مثلا ؟؟!! ما أدري هو عادي ولا أنا ما تعودت ... ما علينا ... حصلت منها قبل فترة بسيطة اهتمام بوحدة من صحباتها ما تكنه لأي أحد ثاني ، و حتى صحباتها الباقيات صارت عندهم غيره من اهتمامها في هذي البنت ـ طبعا هي قالتلي ـ المهم في مرة حصلتها تكتب اسم صحبتها في الدفتر و بحركات ، و لمن سألتها قالتلي هذا اسم صحبتي و هي طلبت مني أكتبه لها عشان هي ما تعرف تسوي زي كذا ،، صدقتها عادي و بعدها بكم يوم شفتها تكتب شي في الدفتر و كانت حرييييصة انو محد يشوف حرف ، قلت عادي يمكن خواطر ، يوميات ، أي شي .. أمس ، كانت حفلة تخرجها و رحت فتحت شنطتها أبغى أعطي أمي الكرت و شفت الدفتر و جا ف بالي إني أشيك عليه ، عشان مصلحتها و فعلا يا بنات فتحته و حصلت شي عكس اللي كنت أتوقعه تماما .. أول صفحة / أبيات حب و غزل ـ يبدو إنها أغنية ، أنا ما أسمع ولا أعرفها ـ ثاني صفحة / اسم صحبتها ثالث صفحة / اسم ولد >> هنا أنا انصدمت رابع صفحة / اسم الولد و كلمات حب و عشق و قلوب و أحبك أحبك .. الخ >> يا ويلي الخامسة / مكررة اسم الولد يمكن مية مرة >> !!! أنا انصدمت صدمة مو طبيعية الحين كيف أعرف مين هو هذا الولد ومين اللي مع علاقة معاه هي ولا صحبتها أنا قعدت أقول يمكن صحبتها و طلبت منها تكتب اسمه ، بعدين قعدت أقول طيب صحبتها عاجزة تكتب اسمه مية مرة ؟! مرررة مو عارفة اش أسوي يا بنات ساعدوني طبعا أخواني دااااائما يزعلونها و يبكونها و يضايقونها بكلامهم و بمزحهم الدفش >> يمكن يكون خويها وهذا السبب أعتذر ع الإطالة

حيآك الله خيتو بأي وقت ولا تعتذري ع الاطاله فالموضوع من اجلكم=)
حاولي التقرب والتودد منهآ وخليها تحكيك عن البنات وايش يصير في المدرسه ولما تقول لك شي لاتنتقدي بشكل مباشر اعطيها الفرصه انها تتكلم و خذي رايها وشوفي مدى تقبلها او رفضها لمثل هذي الحركات ..انت حكيها عن اللي تسمعيه او الفي حكايه من راسك عن بنت كانت متعرفه ع ولد وابوها عرف بالموضوع وحصل كذآ وكذآ ...الخ باسلوب يردعها انها ممكن تفكر تمشي فـ هالطريق..حاولي انك تسمعي انت محاضره عن الاعجاب واذا عجبك اسلوب الشيخ ارجعي اسمعيه مرا ثانيه وخليها بجنبك لكن لا تحسسيها انك عارفه عن الدفتر او انك تقصديها..

بعد كذا ارفعي معنوياتها وادعميها بكلام طيب يمنحها الثقه منكم ..
مثلا/ الحمد لله ي ... انك عاقله وماتحبي هالحركات عكس صحباتك..وابداو تناقشوا بالمحاضره اللي سمعتيها ولو ذكر الشيخ عقوبه حاولي تكون كعامل رقابه ذاتيه لها بحيث لو فكرت بشيء تفتكر العقوبه
او ماشاء الله عليك ي... احسك متفتحه وفاهمه حركات الاولاد اللي يلعبون ع البنات وهو مستحيل يحبها ويتزوجها ..ماشاء الله عقلك كبير..الخ من هالامور..
وربي يبعد عنها رفقاء السوء ويحفظها لكم ..
واشكرك من كل قلبي ع حرصك واهتمامك بها واحساسك بالمسؤليه تجاهها,,

وفقك الله لكل مآهو خير وصلاح لك..

المشاركة الأصلية كتبت بواسطة rubi وحشوني عضوات قسم لها حلاي من حلا روحي. وفاء جدة، وردة

حياك الله rubi..مايوحشك غآلي
طمنينا عنك وعن دراستك=)
ولو عندك شي فضفضي هوون

المشاركة الأصلية كتبت بواسطة ارتويتك عشقا حلآي موضوعك جميل مثلك آلف شّكر

لاشكر ع واجب ي الغلا
واي شيء تبغوه بلغونآ ومايصير الا اللي يرضيكم بإذن الله