[يلدرم]

المشاركة الأصلية كتبت بواسطة كيتا الكتكوته معليش انا ما كنت ادري انهم طبقو قبل كدا بس برضو النظام سيء عالعموم انا لسه ما اعرف كل شي واهم شي انو المعدل تمام وكل شي ماشي والحمدلله على كل حال كنت حابه انكم تعرفو انو الدكاتره مو عاجبهم الوضع وانهم في العماده مهم عارفين شي او انم بيزحلقوني

اختى النظام جدا ممتاز تعرفي ليش

اول مادخلت الكلية قبل 7 سنوات كان معدلي 92 وصاحبي زي وكان عندنا اختبار قبول في الجامعة وتسويه الجامعة نفسها مو مركز قياس كان عبارة عن مواد الثانوية من اولى لثالثة كيمياء فيزياء احياء رياضيات انجليزي

الحمدلله انا اتوفقت في الاختبار وصاحبي لاسف قبل في كلية الادارة ومارضي يدرس هنا وسافر لمصر

كان يدرس معايا اول سنة طالب جايب 95 من قرية من القرى وهو بنفسه كان يقول على اللي يصير وقت الاختبارات النهائية وطبعا ماعندهم رقابة ولا شئ حتى مدرستهم يقول مافيها سور وبعض المناطق تتسرب الاسئلة كما قال لي ومحد يدري

طبعا درس ترم في الهندسة وخرج لانه ماقدر يمشي فيها

وزميلي اللي كان يستحق يدرس في الكلية ولكن حرم منها بسبب النسبة الان هو دكتور اسنان متخرج من مصر

وكل الدكاترة يعرفوا ان خريجي جامعة الملك عندهم ضعف في اللغة الانجليزية كان عدنا مستويين وكل يوم حدود الساعتين بس وندرس مواد الهندسة وكلها بالانجليزي يعنى يحطونا في البحر ويقولو اسبحوا

انتو الاحياء ولانها تعتمد على اللغة بشكل كبير كنت تعبانين وتشتكوا منها

الرياضيات والكيمياء كانت ارقام ومعادلات فماكان فيه مشاكل بعكس الاحياء

لكن صدقيني الان انتو تتخرجوا بلغة افضل ممن سبقوكم واللي يقول ان السنة التحضيرية فاشلة يطلع بره ويشوف الجامعات تطلب اول سنة تحضيرية ولحد يقول ان موادكم صعبة كلها اخدتوها في الثانوية لكن الان بالانجليزي