السلام عليكم ورحمة الله وبركاته
اليوم سأقوم بشرح تخصص من أهم و أقوى التخصصات الجامعية هو تخصص GEOPHYSICS
">
ماهو الجيوفيزياء ؟ ؟ ؟ ؟
هو دراسة فيزياء الأرض واستعمال القوانين الفيزيائية التطبيقية لفهم ظاهر وباطن الأرض.
القوانين الجيوفيزيائية مفيدة جداً في دراسة باطن الأرض. كثير من هذه الطرق مثل السايزمك , الجاذبية والمغناطيسية والكهرباء والكهرومغناطيسية وغيرها تستعمل في البحث عن النفط والغاز والماء والمعادن وغيرها.
">
ماهي وظيفته ؟ ؟ ؟ ؟
إن وظيفة الجيوفيزياء هي إضافة بعد ثالث للخرائط الجيولوجية . >> الوظيفة
خلونا الحين من كلام الموقع . خلوني اتفلسف عليكم وأعلمكم اكثر عن هالتخصص بعد بحث طووويل
الجيوفيزيائي هو الي يقدر يعطيك صورة ثلاثية أبعاد عن شكل الأرض الباطني ويعطيك بالرسم اماكن تواجد النفط بالضبط + المياه الجوفية والمعادن والقبور والآثار ...ألخ
تقريباً نفس الأشعة للعظام . لما يكون فيه عظم مكسور أو شي يقدرون يحددونه من خلال الأاشعة.
">
لمادا الجيوفيزيائي ؟ ؟ ؟ ؟
الحفر لتنقيب النفط يكلف أموال طائلة . وما يقدرون يحفرون بشكل عشوائي لما يتأكدون فعلاً ان بهالمكان نفط .
الجيوفيزيائي يحفظ أموالهم من الضياع ويعطيهم بالرقم اذا كان فيه بترول ولالا . ( لهذا السبب رواتبهم غالية جداً وهم الاعلى رواتب في أرامكو).
طبيعة عمل الجيوفيزيائي :
فيه معلومة غلط كنت أسمعها عن وظيفة الجيوفيزيائي بانه يشتغل بالصحراء وتحت الشمس ولما بحثت وقرأت وشفت وجدت ان هذا غلط ويعتمد على العقد .
الجيوفيزيائي راجل محترم ,
يحط العدة على الأرض ويسوي ازعاج بالأرض وياخذ الداتا من الأرض ويروح يسوي لها تحليل وياخذ تقريباً ثلاث ايام لتحليل هالبيانات الي تحتوي على كثير من المشاكل واسم هالمرحلة الـ data processing .
بعد هالمرحلة راح يكون مجهز خريطة 3d لما تحت الأرض ويحدد فيها أماكن البترول بالضبط !!. واعطيك صورة في الأسفل :
">
خلونا نفصل أكثر عن طبيعة العمل للي حابين :
فيه أجهزة خاصة بالـ seismic . زلازل تقريباً بسيطة توضع في الأرض وتحدث إضطرابات في الأرض .
راح ترسل أصوات داخل الأرض وتمر بعدة مراحل ثم ترجع مرة أخرى إلى السطح وبتكون متأثرة بما رأت .
الصوت الي رجع يؤخذ ويوضع في الكمبيوتر لتحليله ومن خلال تحليله راح نعرف بإيش مر هو .
هل معادن او مياه او بترول وهكذا.
">
طبعاً الجيوفيزيائي من ياخذ الداتا يمديه يروح للخيمة تحت التكييف ومع الشااي والحلاا
ويقعد يخربط ع الكمبيوتر لما يحلل الداتا ويزبطها على عكس مهندس الحفر والبترول الي شغله كله (under the sunlight )
أحب أقولك توزيعة حلوة :
الجيولوجي هو أول شخص يدخل المعركة مع البترول , وهو الي يكتشف من خلال الظواهر الطبيعية الي أمامه إذا كان فيه احتمالية وجود بترول بالمنطقة ولالا حتى ولو بنسبة 10% .
وعشان يتأكد يجي الجيوفيزيائي الي يعطي العلم الأكيد .
مهندس البترول يجي لما يناديه الجيوفيزيائي ويقوله أن فيه بترول وابدأ شغلك .
">
# ختاما #
زي ما شفتوا التخصص جدا جدا مرغوب في سوق العمل سواءا في السعودية او في الخليج
وطبعا التخصص ينافس التخصصات الهندسية في الوظائف
# همسة #
الأرزاق بيد الله سبحانه وتعالى